सचिवालय बैठकमा ओलीले भने, ‘ नियमित रुपमा डायलासिस गर्नुपर्ने भयो

Kp oli

काठमाडौं । प्रधानमन्त्री केपी ओलीको मिर्गौलाले काम नगरेपछि नियमित नियमित डायलासिस गर्नुपर्ने भएको छ । यस विषयमा शुक्रबारसम्म प्रधानमन्त्रीको सचिवालयले केही बोलेको थिएन । तर, शनिबार प्रधानमन्त्री ओली आफैंले आफ्नो मिर्गाैलाको नियमति डायलासिस गर्नुपर्ने जानकारी दिएका छन् ।

प्रधानमन्त्री ओलीका निजी चिकित्सक तथा सचिवालयले भने प्रधानमन्त्रीको स्वास्थ्य उपचार र नियमति डायलाइसिसको विषय गोप्य राख्दै आएका थिए । प्रधानमन्त्रीको सचिवालयले नै चिकित्सकहरुलाई प्रधानमन्त्रीको मिर्गौलाको वास्तविक अवस्था र बाँकी उपचारको विषयमा नबोल्न निर्देशक दिएको थियो ।

मिर्गौला रोग विशेषज्ञका अनुसार मिर्गौलाका बिरामीको डायलाइसिस सातामा दुईपटक नियमित गर्न सुझाव दिएका थिए । चिकित्सकहरुले प्रधानमन्त्री ओलीलाई अस्पतालमै लगेर डायलाइसिस गराउने वा प्रधानमन्त्री निवासमै डायलाइसिसको व्यवस्था गर्ने भन्ने विषयमा शुक्रबार छलफल भएको थियो ।

शनिबार बालुवाटारमा बसेको नेपाल कम्युनिस्ट पार्टी (नेकपा) सचिवालय बैठकमा आफ्नो स्वास्थ्य अवस्थाबारे ब्रिफिङ गर्दै प्रधानमन्त्री ओलीले अब नियमित रुपमा डायलासिस गर्नुपर्ने ब्रिफिङ गरेका छन् । सचिवालय बैठकमा प्रधानमन्त्री ओलीले आफूलाई मिर्गौलाले दुःख दिएको भन्दै सचिवालय सदस्यलाई ब्रिफिङ गरे । ओलीले ग्रान्डी अस्पतालमा दुई पटक डायलासिस भइसकेको र थप उपचारका लागि सबै रिपोर्ट आएपछि अगाडि बढ्ने बताए ।

बिहीबार साँझ ८ बजे ग्राण्डी हस्पिटलबाट उपचारपछि बालुवाटार फर्किएका ओलीले शनिबार बिहानका लागि सचिवालय बैठक बोलाएका थिए । सचिवालय बैठकमा ओलीले प्रचारमा आए जस्तो आफू सिकिस्त बिरामी भने नभएको जानकारी गराए । ओलीले स्वाथ्यमा समस्या आइरहेकाले अब नियमित डायलासिस वा मिर्गौला प्रत्यारोपण मात्र विकल्प विकल्प रहेको जानकारी बैठकमा गराएका थिए ।

प्रवक्ता नारायणकाजी श्रेष्ठले केही रिपोर्ट आउन बाँकी भएकाले थप उपचारको बारेमा निर्णय नभएको जानकारी दिए । ‘प्रधानमन्त्रीज्यूले नै उहाँको स्वास्थ्यस्थितिको बारेमा जानकारी गराउनु भएको छ’, प्रवक्ता श्रेष्ठले भने, ‘उहाँ स्वास्थ्यमा गम्भीर अवस्था सिर्जना भएर सिकिस्त भएको अवस्था होइन ।’ प्रधानमन्त्रीको स्वास्थ्य अवस्था सिकिस्त नभए पनि केही गम्भीर समस्या देखिएको प्रवक्ता श्रेष्ठले जानकारी दिए ।

‘उहाँ सिकिस्त नभए पनि स्वास्थ्यमा केही समस्या देखिरहेका कारण चिकित्सकले परीक्षण गरिरहेका छन् । त्यसका केही रिपोर्ट आइसकेका छन्। केही रिपोर्ट आउन बाँकी छन् । सबै रिपोर्ट प्राप्त भएपछि उपचारको बारे थप निर्णय हुनेछ’, प्रवक्ता श्रेष्ठले भने, ‘तपाईंहरुलाई थाहा भएकै हो । ग्रान्डीमा डायलासिस भइसकेको छ । थप उपचार सबै रिपोर्ट आएपछि मात्र हुन्छ ।’

प्रधानमन्त्री ओली स्वास्थ्यमा समस्या देखिएपछि बुधबार बिहान ग्रान्डी अस्पतालमा भर्ना भएका थिए । दुई दिन अस्पताल बसेका ओलीको उपचारका क्रममा २४ घण्टामा दुई पटक डायलासिस गरिएको थियो । ग्रान्डी अस्पताल स्रोतले भने प्रधानमन्त्रीको पुनः डायलासिसको तयारी भइरहेको बताएको छ । मिर्गौला रोग विशेषज्ञका अनुसार रगतमा पोटासियमको मात्रा बढेमा र छातीमा पानी जम्मा भएमा डायलासिस चाँडोचाँडो गर्नुपर्छ ।

प्रधानमन्त्री ओलीको १२ वर्ष अगाडि २०६४ सालमा भारतको अपोलो अस्पतालमा मिर्गौला प्रत्यारोपण गरिएको थियो। मिर्गौला प्रत्यारोपणपछि उनले नियमित औषधि खाँदै आएका छन् ।

स्वास्थ्यमा समस्या हुँदा औषधिले राम्रो काम नगर्ने हुँदा बेलाबेलामा प्रधानमन्त्रीको स्वास्‍थ्यमा समस्या देखिने गरेको छ । भदौको पहिलो हप्ता प्रधानमन्त्री ओलीको सिंगापुरमा प्लाज्माफेरेसिस गराइएको थियो। त्यही क्रममा दुई हप्ता ओली सिंगापुरमा रहेका थिए ।

 

प्रतिकृया दिनुहोस

साताको लोकपृय

बालकक्षा शिक्षकको तलब अब दोब्बर, पुग्ला त श्रम ऐन बमोजिम ?

Play group

काठमाडौँ । सामुदायिक विद्यालयका प्रारम्भिक बालकक्षामा पढाउने शिक्षकको तलब दोब्बर हुने भएको छ । उ...