जलविद्युत क्षेत्रमा भित्रियो हालसम्मकै ठूलो लगानी

वार्षिक रुपमा १ अर्ब ५३ करोड ३१ लाख युनिट विद्युत उत्पादन हुने

Lagani vitriyo

काठमाडौं । जलविद्युत परियोजनाका लागि हालसम्मकै ठूलो वैदेशिक लगानी भित्र्याउने सम्झौता भएको छ । माथिल्लो त्रिशूली –१ जलविद्युत आयोजना निर्माणका लागि शुक्रबार वित्तीय सम्झौता भएको छ ।

माथिल्लो त्रिशूली १ मा कोरियन लगानीको नेपाल वाटर एण्ड इनर्जी डेभलपमेन्ट कम्पनीले अन्तर्राष्ट्रिय वित्तीय कम्पनीहरूबाट वित्त व्यवस्थापन गरेसँगै नेपालको जलविद्युत क्षेत्रमा अहिलेसम्मकै ठूलो वैदेशिक लगानी आएको छ ।

रसुवा जिल्लामा निर्माण हुन लागेको २ सय १६ मेगावाटको आयोजनाका लागि आईएफसीसहित ९ वटा अन्तर्राष्ट्रिय वित्त कम्पनीहरुले ५० अर्ब रुपैयाँ ऋण लगानी गर्ने सम्झौतामा हस्ताक्षर भएको हो ।

शुक्रबार ऊर्जा जलस्रोत तथा सिँचाइ मन्त्री वर्षमान पुन र अर्थमन्त्री डा. युवराज खतिवडाको उपस्थितिमा अन्तर्राष्ट्रिय नौ वित्तीय कम्पनीका प्रतिनिधिले सम्झौतापत्रमा हस्ताक्षर गरे ।

आयोजनाबाट वार्षिक रुपमा १ अर्ब ५३ करोड ३१ लाख युनिट विद्युत उत्पादन हुनेछ । आयोजनाबाट उत्पादन हुने कुल वार्षिक विद्युतमध्ये ३८.७५ प्रतिशत हिउदयाममा र ६१.२५ प्रतिशत वर्षायाममा उत्पादन हुनेछ ।

विद्युत प्राधिकरणले सुख्खायाममा र वर्षायाममा क्रमश ८.४० र ४.८० प्रति युनिट दरमा खरिद गर्नेछ । आयोजना सन् २०२५ सम्म निर्माण सम्पन्न गर्ने लक्ष्य राखिएको छ ।

नेपाल वटार एण्ड इनर्जी डेभलपमेन्ट कम्पनी र ९ वटा वित्तीय कम्पनीले ४५ करोड ३२ लाख अमेरिकी डलर अर्थात झण्डै ५० अर्ब नेपाली रुपैयाँ लगानी गर्ने सम्झौतापत्रमा शुक्रबार हस्ताक्षर भएको हो । उत्पादित विद्युत आन्तरिक खपतका लागि प्रत्यक्ष वैदेशिक लगानीमा निर्माण हुन लागेको माथिल्लो त्रिशूली –१ जलविद्युतमा हालसम्मकै ठूलो लगानी हो ।

विश्व बैंक समूहको अन्तर्राष्ट्रिय वित्त निगम (आईएफसी) ले १६ करोड १३ लाख, एसियाली विकास बैंक (एडिबी) ले ६ करोड, एसियाली पूर्वाधार लगानी बैंकले ३ करोड ९६ लाख, कोरियाली निर्यात आयात बैंकले १० करोड र कोरिया डेभलपमेन्ट बैंकले ३ करोड ८ लाख डलर आयोजनामा ऋण लगानी गर्ने भएका हुन् ।

सिडिसी ग्रुप पिएलसीको २ करोड १९ लाख, नेदरल्याण्ड डेभलपमेन्ट फाइनान्स कम्पनीको १ करोड ५४ लाख, फ्रेन्च डेभलपमेन्ट फाइनान्सिङ इन्ष्टिच्युसनले १ करोड १० लाख र अन्तर्राष्ट्रिय विकास लागि ओपेक फण्डले १ करोड ३२ लाख डलर ऋण लगानी गर्ने भएको छ ।

 

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...