गुडिरहेको रेलमा आगलागी हुँदा पाकिस्तानमा ६५ जनाको मृत्यु

Train aagalagi

पाकिस्तान । पाकिस्तानमा दौडिरहेको रेलमा आगलागी भएको छ । सो रेलमा आगलागी हुँदा ६५ जनाको मृत्यु भएको छ । रेल रावलपिन्डीतर्फ जाँदै थियो सोही क्रममा लियाकत पुरमा रेलको रेलको तीन डिब्बामा आगो लागेको थियो ।

तेज गाम एक्सप्रेसको उक्त रेल कराचीबाट रावलपिन्डी चल्ने गर्दथ्यो । त्यहाँस्थित डेपुटी कमिस्नर अहमद जमिललाई उद्धृत गर्दै बिबिसीले घटनामा परी ६५ जनाको मृत्यु भएको जनाएको छ । सोही घटनामा परी ३९ जना घाइते भएका र तीमध्ये ६ जनाको अवस्था गम्भीर छ । उनीहरुको शेख जाएद अस्पतालमा उपचार भइरहेको छ ।

रेलमन्त्रीले यात्रीहरुले बोकेको ग्यास सिलिन्डर तथा चुल्होका कारण रेलमा आगो लागेको बताएका छन् । उनले रेलमा लागेको आगो नियन्त्रणमा लिइएको र घाइतेलाई नजिकैको अस्पतालमा उपचारका लागि लगिएको बताएका छन् ।

केही अन्तर्राष्ट्रिय सञ्चारमाध्यमले भने यात्रीहरुले रेलमा अण्डा उमालिरहेको र सोही समयमा ग्यास लिक भई रेलको डिब्बामा आगो लागेको उल्लेख गरेका छन् ।

घटनाबारे जानकारी पाएपछि प्रधानमन्त्री इमरान खानले दुःख व्यक्त गरेका छन् । रेडियो पाकिस्तानका अनुसार उनले घाइतेको उपचारको प्रबन्ध गर्न निर्देशन दिएका छन् ।

उता रेलमन्त्री शेख रसिदले रेलको बीमा भएको उल्लेख गर्दै आर्थिक क्षतिको क्षतिपूर्ति हुने जनाएका छन् । यस घटनाका सम्बन्धमा छानबिन गरिने रेलमन्त्री शेखको भनाइ थियो ।

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...