प्रचण्डले दिए अनसन बस्ने धम्की, दोहोर्‍याएर भने मेरो मधेश प्रेम जारी छ

Prachanda 13

महोत्तरी । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले मधेसको विकासका लागि आवश्यक परे आफू आन्दोलन गर्न तयार रहेको बताएका छन् ।

छठ पर्वको अवसरमा महोत्तरीको पिपरामा बुधबार आयोजित कार्यक्रममा अध्यक्ष प्रचण्डले विकास निर्माणका विषयमा सचेत भएर काम नगरे आफैं नै आन्दोलनमा होमिनुपरे पनि पछि नपर्ने बताए ।

प्रधानमन्त्री आफैंले समृद्धिको नेतृत्व गरेको उल्लेख गर्दै अध्यक्ष प्रचण्डले निर्माणाधीन अवस्थामा रहेका सडकको काम युद्धस्तरमा अगाडि बढाइने पनि बताए । प्रचण्डले जनकपुर–पिपरा–जलेश्वर–भित्तामोड जोड्ने सडक निर्माणको कार्यलाई तिव्रता दिन भौतिक पूर्वाधार तथा यातायात मन्त्री र प्रधानमन्त्रीसँग समेत कुराकानी गर्ने पनि बताए ।

‘जनकपुर–पिपरा–जलेश्वर–भित्तामोडको बाटोको विषयमा भौतिक पूर्वाधार मन्त्रीसँग आजै मैले कुरा गरेको छु’ प्रचण्डले भने, ‘यो सडकको विषयमा काठमाडौं फर्किएर प्रधानमन्त्रीसँग कुरा गर्नेछु र युद्धस्तरमा काम भएन भने म पार्टी अध्यक्ष भएर पनि मधेशमा गएर आन्दोलन गर्नुपर्ने अवस्था नआओस् भन्नेछु ।’

आफू प्रधानमन्त्री भएको बेला उक्त सडक निर्माणका लागि ठाडो आदेशमार्फत १ अर्ब रुपैयाँ विनियोजन गर्न लगाएको समेत प्रचण्डले स्मरण गराए । प्रचण्डले अब पनि उक्त सडक निर्माणमा विलम्ब हुने, ठेक्का प्रक्रिया छिटो टंग्याउनु काम भएमा आफू नै अनसनमा बस्ने पनि प्रचण्डले चेतावनी दिए ।

१४ मंसिरमा पिपरा गाउँपालिका अध्यक्ष चयनका लागि हुने उपचुनाव आफ्नो पार्टीलाई मतदान गर्न आग्रह गर्दै प्रचण्डले भने, ‘विगतमा पनि मैले मधेशसँग मेरो प्रेम छ भनेको थिएँ, अहिले फेरि दोहोर्‍याएर भन्छु मेरो मधेश प्रेम जारी नै छ ।’

आफू प्रधानमन्त्री भएका बेलामा दुई पटक संसदमा संविधान संशोधन प्रस्ताव लगेको स्मरण गर्दै उनले कार्यक्रममा भने, ‘संविधान मधेशी जनताले भने अनुसार आएन की भन्ने जुन प्रश्न छ, संविधान संशोधनका लागि दुई बुँदे सहमतिमा प्रधानमन्त्री ज्यू र मैले हस्ताक्षर गरेका छौं ।’

नेकपाका महासचिव विष्णु पौडेलले संघमा दुई तिहाइको सरकार चलाईरहेको आफ्नो पार्टीलाई नै मतदान गर्न पिपरावासीलाई आग्रह गरे ।

 

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...