पर्सामा थपिए मेयरसहित ३३ कोरोनाभाइरस संक्रमित

पर्सा । पर्सामा थप ३३ जनामा कोरोनाभाइरस संक्रमण देखिएको छ । पर्साको पोखरिया नगरपालिकाका मेयर दीपनारायण रौनियार पनि कोरोना संक्रमित भएका छन् ।

त्यस्तै पोखरिया अस्पतालका मेडिकल सुपरिटेन्डेन्ट पनि कोरोना संक्रमित भेटिएका छन् । यसअघि २६ साउनमा त्यहाँका ३४ जनाको स्वाब संकलन गरेर परीक्षणका लागि पठाइएको थियो ।

तीमध्ये ३३ जनाको कोरोना रिपोर्ट पोजेटिभ आएको हो । पोखरिया अस्पतालमा ४ डाक्टर र ३ नर्स पनि संक्रमित भेटिएका छन् ।