एसिड पीडितको रोदन भरिएको खुल्लापत्र : प्रधानमन्त्रीज्यु, यो पीडा भनेको सानो पीडा होइन

Khatun khulla patra

काठमाडौं । गत भदौ २० मा वीरगन्ज –३ छपकैया निवासी मुस्कान खातुनमाथि वीरगन्जकै गणेशमान चोक नजिक एसिड प्रहार भएको थियो । मुस्कानमाथि एसिड प्रहार गरेका अभियुक्त जिल्ला अदालत पर्साको आदेशले बालसुधार गृहमा छन् ।

एसिड आक्रमणमा परेर कीर्तिपुर अस्पतालमा उपचाररत मुस्कान खातुनले प्रधानमन्त्री केपी शर्मा ओलीलाई पत्र लेख्दै एसिड आक्रमण गर्नेलाई कडाभन्दा कडा सजाय दिन माग गरेकी छन् ।

मुस्कानमाथि एसिड प्रहार गरेका वीरगन्जकै मजिद मियाँ र शमशाद मियाँलाई प्रहरीले पक्राउ गरेको थियो । मजिदले राखेको प्रेम प्रस्ताव मुस्कानले अस्विकार गरेपछि शमशादको सहयोगमा खातनुमाथि एसिड प्रहार भएको थियो । विद्यालय जाने क्रममा खातनुमाथि एसिड प्रहार भएको थियो ।

यसअघि एसिड आक्रमणमा परेका जेनी खड्का र संगिता मगरको सम्झना गर्दै उनले उनीहरुलाई आक्रमण गर्नेलाई कडा सजाय नहुदाँ अहिले आफू कीर्तिपुर अस्पतालमा हुनुपरेको भन्दै गुनासो गरेकी छन् ।

माननीय प्रधानमन्त्रीज्यू,
म मुस्कान खातुन अन्सारी,
मेरो तर्फबाट नमस्ते । म एउटा तेजाब आक्रमणको नानी । हजुरलाई एउटा सानो चिठी । यो घटना मसँग घट्यो । यो घटनाको पीडा ठूलो पीडा हो ।

पहिले जेनी खड्का र संगीता मगरलाई तेजाब आक्रमण भएको बेला कडाभन्दा कडा कानुन भइदिएको भए आज म यो अस्पतालको बेडमा हुने थिइन होला । प्रधानमन्त्रीज्यू, हजुरको दुई तिहाई बहुमतको सरकार छ । प्रधानमन्त्रीज्यू, हजुरको ठाउँमा म भइदिएको भए त्यो अपराधी (तेजाब हान्ने) लाई फाँसी दिन्थेँ होला ।

यसपालि अपराधीले ठूलोभन्दा ठूलो सजाय पाओस् कि म जस्तो एउटा बलिकामाथि या चेलीबेटी र कसैमाथि तेजाब आक्रमण नहोस् । मैले जति पीडा खपेको छु, त्यो पीडा अरु कोहीमाथि पनि नपरोस् । यो पीडा भनेको सानो पीडा होइन ।

एउटा देशको ठूलो पीडा हो । आमा र बुवाको पनि पीडा धेरै ठूलो पीडा हो । यो घटना कसैको आमा र बुवाले खप्नु नपरोस् । त्यो दोषीलाई यसपालि ठूलोभन्दा ठूलो सजाय होस् । मेरो हजुरसँग बिन्ती र अपेक्षा छ । हजुरसँग मेरो एउटा अनुरोध छ कि मेरो एउटा पीडा बुझिदिनुहोस् । यो घटना कसैमाथि नहोस् । र अब तेजाब आक्रमणका कारण कोही पनि चेलीबेटी अस्पताल आउन नपरोस् भन्ने अनुरोध गर्दछु ।

धन्यवाद
हामीहरुको प्रधानमन्त्रीज्यू ।

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...