वुमन्स च्याम्पियन्स लिग क्रिकेटको उपाधि चितवन राइनोजको कब्जामा

Kriket chitwal

काठमाडौं । चितवन राइनोजले काठमाडौं क्याट क्विन्सलाई पराजित गरी वुमन्स च्याम्पियन्स लिग क्रिकेटको उपाधि जितेको छ । बिहीबार भएको फाइनलमा सुमन खतिवडाको अलराउण्ड प्रदर्शनसँगै चितवन राइनोजले वुमन च्याम्पियन्स लिग क्रिकेटको उपाधि जितेको हो ।

त्रिवि क्रिकेट मैदानमा पहिले ब्याटिङ गरेको चितवनले २० ओभरमा ४ विकेट गुमाएर ११२ रन बनायो । उसको सुरुवात राम्रो थियो । काजल र कञ्चन श्रेष्ठले पहिलो विकेटका लागि ४९ रनको साझेदारी गरे ।

काजल २१ र कञ्चन १९ रनमा आउट भइन् । त्यसपछि सुमन खतिवडाले रित कनोजियासँग ३५ रनको साझेदारी गरिन् । सुमन २९ रनमा आउट भइन्, जतिबेला टिमको स्कोर ८४ रन थियो । थप दुई रन जोड्दा रितु आउट भइन् ।

तर कप्तान इन्दु बर्माले पाँचौं विकेटका लागि प्यारी चौधरीसँग मिलेर अविजित २६ रनको साझेदारी गर्दै टिमको पारी उकासिन् । इन्दुले इनिङको अन्तिम तीनमा लगातार चौका हान्दै टिमलाई राहत दिएकी थिइन् ।

११३ रनको विजयी लक्ष्य लिएर मैदान उत्रिएको काठमाडौंले २० ओभरमा सबै विकेट गुमाएर ६७ रन मात्र बनाउन सक्यो ।

उसका लागि अप्सरी बेगमले १५ तथा ममता थापा र इश्वरी विष्टले समान १३/१३ रन बनाउनु बाहेक कुनै पनि ब्याट्सवुमनले दोहोरो अंक जाड्न सकेनन् । भरपर्दा ब्याट्सवुमनहरु चल्न सकेनन् ।

उसको सुरुवात राम्रो हुन सकेन । टिमको स्कोर ९ रन हुँदा शोभा आले आउट भइन् । त्यसपछि रोमा थापा, कप्तान रुविना क्षेत्री र नितु भण्डारी आउट भइन् । अप्सरी र मतताले पाँचौं विकेटका लागि २५ रनको साझेदारी गरे ।

अप्सरी आउट हुँदा टिमको स्कोर ४० रन थियो । त्यसपछि लगातार विकेट गुमाएको काठमाडौं ६७ मा अलआउट भयो ।

काठमाडौंलाई सस्तैमा समेट्ने क्रममा सुमन र रितु कनोजियाले ३र३ विकेट लिइन् । रेखा रावलले २ विकेट हात पारिन् ।

प्रतिकृया दिनुहोस

साताको लोकपृय

बालकक्षा शिक्षकको तलब अब दोब्बर, पुग्ला त श्रम ऐन बमोजिम ?

Play group

काठमाडौँ । सामुदायिक विद्यालयका प्रारम्भिक बालकक्षामा पढाउने शिक्षकको तलब दोब्बर हुने भएको छ । उ...