उपनिर्वाचनमा सत्तारुढ नेकपा र राजमोबीच गठबन्धन

1571825424pho (1)

काठमाडौँ । सत्तारूढ नेपाल कम्युनिष्ट पार्टी नेकपा र वामघटक राष्ट्रिय जनमोर्चाबीच मंसीर १४ गते हुने उपनिर्वाचनमा तालमेल गर्ने सहमति भएको छ । बुधबार प्रधानमन्त्री निवास बालुवाटारमा दुई पार्टीका अध्यक्षहरूबीच भएको बैठकले उपनिर्वाचनमा तालमेल गर्ने सहमति गरेका हुन् ।

‘बागलुङको प्रदेशसभा क्षेत्रमा जनमोर्चाका उम्मेदवारलाई नेकपाले सघाउने, अन्यत्र नेकपाका उम्मेदवारलाई जनमोर्चाले सघाउने गरी तालमेल गर्ने निर्णयमा पुगेका छौं,’ राष्ट्रिय जनमोर्चाका अध्यक्ष चित्रबहादुर केसीले बताए ।

यसअघि २०७४ सालमा भएको निर्वाचनमा पनि त्यसबेलाको बामगठबन्धनसँग जनमोर्चाले तालमेल गरेको थियो । बागलुङ निर्वाचन क्षेत्र नम्बर २ को प्रदेशसभा क्षेत्र ‘ख’ मा विजयी भएका टेकबहादुर घर्तीको निधन भएपछि यहाँ उपनिर्वाचन हुँदैछ ।

‘उम्मेदवारका लागि एक महिला र दुई पुरूषको नाम सिफारिस भएर आएको छ । धर्म कुँवर, खिमविक्रम शाही र सुनमाया पुनको नाम आए पनि पार्टीले उम्मेदवार चयन गरिसकेको छैन । २१ गतेसम्म समय छ छिट्टै चयन गर्छौं,’ उनले भने ।

विगतमा जस्तै तालमेल गरेर जान प्रधानमन्त्रीसमेत रहेका नेकपा अध्यक्ष ओली तयार रहेको केसीले जानकारी दिए ।

प्रतिकृया दिनुहोस

साताको लोकपृय

बालकक्षा शिक्षकको तलब अब दोब्बर, पुग्ला त श्रम ऐन बमोजिम ?

Play group

काठमाडौँ । सामुदायिक विद्यालयका प्रारम्भिक बालकक्षामा पढाउने शिक्षकको तलब दोब्बर हुने भएको छ । उ...