‘विप्लव’ सँग लोड गरिएको पेस्तोल, प्रहरीको हातमा पर्‍यो महत्वपूर्ण राजनीतिक दस्तावेज

Biplab hatiyar

दाङ । दाङमा बिहीबार पक्राउ परेका नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका नेताको साथबाट प्रहरीले लोड गरिएको पेस्तोल, गोलीसहित महत्वपूर्ण राजनीतिक दस्तावेज बरामद गरेको छ ।

बिहीबार बिहान १ बजे दाङको राजपुरबाट नेकपाको महत्वपूर्ण बैठकबाट दाङ प्रहरीले २१ नेता कार्यकर्तालाई नियन्त्रणमा लिएको थियो । बिहीबार नियन्त्रणमा लिएको भए पनि प्रहरीले शुक्रबार मात्रै उनीहरुसँग बरामद भएका हतियार तथा विस्फोटक पदार्थ सार्वजनिक गरेको हो ।

प्रहरीले उनीहरुको साथबाट ६ थान पेस्तोल, २ थान म्यागजिन, ९ राउन्ड गोली र १ सुतली बम बरामद गरेको हो । ३ लाख ८४ हजार ५ सय ३० रुपैयाँ नगद बरामदसमेत गरेको छ । जिल्ला प्रहरी कार्यालय दाङले पक्राउ परेका व्यक्तिको साथबाट बरामद गरेको हतियार, नगदसहित अन्य महत्वपूर्ण दस्तावेज शुक्रबार सार्वजनिक गर्दै लोड गरिएको हतियार पनि बरामद गरिएको जनाएको छ ।

प्रहरीले ३७ थान मोबाइल सेट, ग्लोबल आईएमईको ४ वटा चेक, २१ वटा झोला, १६ वटा डायरी, १३ विभिन्न राजनीतिक दर्शनका किताब, ३० वटा लेटर प्याड बरामद गरेको छ । बरामद भएका हतियारमध्ये दुई पेस्तोल लोड गरिएको अवस्थामा भेटिएका थिए ।

दाङ प्रहरी प्रवक्ता डीएसपी विनोदविक्रम शाहका अनुसार नेकपाका पश्चिम कमाण्ड इन्चार्ज वीरजंग भनिने चन्द्रबहादुर चन्दसहित २१ जनालाई प्रहरीले पक्राउ परेका थिए । पक्राउ परेका सबै नेता कार्यकर्ताविरुद्ध दाङ प्रहरीले संगठित अपराध तथा राज्यविरुद्धको अपराधमा मुद्दा दर्ता गरी अनुसन्धान सुरु गरेको छ ।

यसैबीच प्रतिबन्धित नेत्रविक्रम चन्द ‘विप्लव’ नेतृत्वको समूहका पश्चिम कमाण्ड इञ्चार्ज वीरजंग चन्दसहित २१ जना नेता तथा कार्यकर्तालाई शुक्रबार अदालतमा पेस गरी पाँच दिन न्यायिक हिरासतमा राखेर अनुसन्धान गर्ने म्याद थप गरिएको छ ।

पक्राउ गरेका उनीहरूलाई दाङ देउखुरी जिल्ला अदालत घोराहीबाट आवश्यक अनुसन्धानका लागि ५ दिनको म्याद थप गरिएको हो । म्याद थपका लागि दाङ देउखुरी जिल्ला अदालत पेश गर्नुअघि उनीहरूलाई सरकारी वकिलको कार्यालयमा लगिएको थियो ।

प्रतिकृया दिनुहोस

साताको लोकपृय

बालकक्षा शिक्षकको तलब अब दोब्बर, पुग्ला त श्रम ऐन बमोजिम ?

Play group

काठमाडौँ । सामुदायिक विद्यालयका प्रारम्भिक बालकक्षामा पढाउने शिक्षकको तलब दोब्बर हुने भएको छ । उ...