गोंगबुमा सुटकेशमा भेटिएको शवको सनाखत

काठमाडौँ । गोंगबुस्थित गणेशस्थान नजिकै विभत्स हत्या गरेको अवस्थामा फेला परेको शवको सनाखत भएको छ ।

सुटेकेशमा टाउको र खुट्टा काटेर निकालिएको अवस्थामा राखिएको शव पुरुष रोल्पाका कृष्णबहादुर बोहोरा भएको खुलेको महानगरीय प्रहरी परिसर काठमाडौँले जनाएको छ।

महानगरीय प्रहरी परिसर काठमाडौँका एसएसपी श्यामलाल ज्ञवालीका अनुसार हत्‍या गरिएको शव सनाखत भइसकेको र बाँकी अनुसन्धान जारी रहेको छ।

उनले यसबारेमा थप विस्तृतमा भन्‍न सक्‍ने अवस्थामा नरहेको भन्‍दै चाँडै उक्त घटनाको विवरण विस्तरणमा सार्वजनकि गरिने जानकारी दिए ।