गोंगबुमा भेटियो सुटकेसमा शव, टाउको अर्कैतिर

काठमाडौँ । राजधानीको गोंगबुमा विभत्स अवस्थामा शव फेला परेको छ । गोंगवु गणेशस्थानस्थित सडकमा शव टुक्रा–टुक्रा बनाएर सुटकेशमा फलिएको अवस्थामा फेला परेको प्रहरीले जनाएको छ ।

अहिले घटनास्थलमा प्रहरी पुगेर अनुसन्धान शुरु गरेको छ । टाउको भने तीन सय मिटर टाढा भेटिएको छ ।

‘सुटकेशमा शव फेला परेको छ, रगत बगेको छ’, महानगरीय प्रहरी परिसर काठमाडौंका डिएसपी राजकुमार केसीले भने, ‘गणेशस्थान मन्दिरबाट एक सय मिटर भित्र, पानीले भिजेपछि ब्लड बगेको देखेर प्रहरीलाई खबर आएको थियो ।’