बाढीपहिरो पीडितलाई प्रदेश सरकारले घर बनाइदिने

Pahiro 5

काठमाडौँ । गण्डकी प्रदेशका मुख्यमन्त्री पृथ्बीसुब्बा गुरुङले प्रदेशभरिका बाढीपहिरो पीडितको घर प्रदेश सरकारले बनाउने बताएका छन् ।

गृहजिल्ला लमजुङस्थित आज मस्र्याङ्दी गाउँपालिका–३ तरापु पल्लोटारीका बाढीपहिरो प्रभावितलाई घटनास्थलमा नै पुगी राहत वितरण गर्दै मुख्यमन्त्री गुरुङले लमजुङलगायत प्रदेशका विभिन्न जिल्लामा बाढीपहिरोले मानवीय नोक्सानसहित घर भत्किएका परिवारको घर प्रदेश सरकारले बनाउनेछ भने ।

बाढीपहिराका कारण प्रदेशभरि करिब ५०० घर बनाउनुपर्ने बताइएको छ ।बाढीपहिरा पीडितको घर निर्माणका लागि सङ्घीय सरकारले भूकम्प पीडित सरह राहतस्वरुप रु तीन लाख उपलब्ध गर्ने निर्णय गरिसकेको र यसबाहेक आवश्यक रकम प्रदेश सरकारले थपेर घर निर्माण गर्ने उनको भनाइ छ । ‘‘सुरक्षित स्थानमा प्रदेश सरकारले घर निर्माण गर्नेछ भूकम्पको जस्तो आवास पुनःनिर्माणमा ढिलाइ हुँदैन’’, मुख्यमन्त्री गुरुङले भने सबै घरहरु निर्माण सम्पन्न हुनका लागि कम्तिमा साढे दुई वर्षदेखि तीन वर्ष लाग्ने मुख्यमन्त्री गुरुङको भनाइ छ  ।

यही साउन ७ र ८ गते गएको पहिरोले पूर्ण क्षति बनाएको तरापु पल्लोटारीका २१ घरलाई राहत वितरण गरिएको छ । जिल्ला विपद् व्यवस्थापन समितिले बाढीपहिरो पीडित २१ घरलाई आर्थिक सहयोग गरेको हो । राहत मुख्यमन्त्री गुरुङले बाढीपहिरो पीडितलाई हस्तान्तरण गरेका थिए ।

पाँच जनाभन्दा कम परिवार भएका १९ परिवारलाई प्रत्येक परिवारलाई रु १५ हजार र पाँच जना परिवारभन्दा बढी भएको परिवारका दुई जनालाई  रु २० हजारका दरले गरी कूल रु तीन लाख २५ हजार सहयोग गरिएको प्रमुख जिल्ला अधिकारी कृष्णप्रसाद शर्माले बताए ।

राहत वितरण कार्यक्रममा मुख्यमन्त्री गुरुङसहित गण्डकी प्रदेशमा नेपाल कम्युनिष्ट पार्टी (नेकपा) का मुख्य सचेतक मायानाथ अधिकारी, सांसद मधुमाया अधिकारी, धनञ्जय दवाडी, प्रमुख जिल्ला अधिकारी कृष्णप्रसाद शर्मालगायतले स्थलगतको निरीक्षण तथा अवलोकन गरेका थिए ।

प्रतिकृया दिनुहोस

साताको लोकपृय

सुदूरपश्चिमबाट एकीकृत समाजवादीले साथ छोड्दा गठबन्धनलाई केन्द्रलाई धक्कैधक्का

Pm prachanda kp oli meet with madhav kumar nepal

काठमाडौं । बालुवाटारबाट पटकपटक हेपिएको र सत्तामा नाम मात्रको सहभागीता भएको महसुस गर्दै आएको सत्ता...