सबैको रोजाईमा पर्दा अब्बल बन्दैछ सम्पदा गार्डेन 

Sampada garden

काठमाडौं । तपाई यतिबेला काठमाडौंको कोलाहलमा हुनुहुन्छ ? अनि तपाईको मनले शान्त र आरामको खोजी गरिरहेको छ ? तर, तपाईले त्यस्तो शान्त र आरामदायी ठाँउको मेसो पाउन सक्नु भएको छैन ? अहिले राजधानीमै त्यस्तो आरामदायी र शान्त ठाउँको महशुस दिलाउन काठमाडौंको लाजिम्पाटस्थित सम्पदा गार्डेन होटल काफी छ ।

लाजिम्पाटको एभरेष्ट बैंकको अपोजिटमा तपाईले गार्डेन सहितको मनोरम सम्पदा गार्डेन पुगेर असिम आनन्द लिन पाउनुहुने छ । सडक नजिकै भएर पनि तपाईले त्यस्तो कुनै कोलाहल महसुश गर्न पाउनु हुने छैन ।

तपाइलाई आनन्दसहितको शान्ति महशुस हुने छ । गार्डेमा बसेर तातो कफि, चिया वा चिसो पिउने र खाजामा के खाने ? तपाईको रोजाई अनुसार खानाका परिकार उपलब्ध हुने छ । फराकिलो गार्डेन नजिकै गाडी र मोटर साईकलको राम्रो पार्किङको सुविधा छ ।

गार्डेनमा तपाई हरियालीमा रमाउन त सक्नुहुन्छ नै, त्यसका अलबा यसरी पयलपुर पाकेका लटरम्ब अम्वा आफैँ टिपेर पनि खान सक्नुहुने छ । अम्बाको बोटमा अम्बा ठुङ्न आएका चराको चिरिबिरी आवाजसँगै चराको लुकामारीले थप तपाईलाई रोमान्चक त बनाउँछ नै । त्यसैगरी भिटामिन सी भनेर चिनिने लटरम्ब फलेका यस्ता अमलाले तपाईको ध्यान आफूतिर खिचिरहेको हुन्छ ।

तपाइले अडर गरेको खानाको परिकार आउन्जेल अल्छी नमानी अमलाको रुखमा चढेर  अमला टिपेर अमलाको स्वाद चाख्न पाउनु हुनेछ । हलुवाबेदले पनि यस सम्पदा गार्डेनको शोभा बडाएको छ । पयलपुर पाकेका हलुवाबेद खान आएका लोखर्केहरु हलुवाबेदको बोटमा तलदेखि माथिसम्म गरेको दृष्यमा आँखा टोलाइरहेका हुन्छन् । अनि झट्टारो हानेर हलुईबेद झार्न पाउँदा त झनै आनन्दको महसुह गर्न सकिन्छ ।

धुलो धुवाँबाट मुक्ति पाउन र मनलाई एकछिन भए पनि शान्त ठाउँमा बहलाउन युवायुवतीहरु र परिवारका सदस्यहरु यहाँ पुग्ने गर्छन् । तपाईले खानपिनको लागि अन्यत्रभन्दा सस्तो पाइन्छ । खानाका नयाँ नयाँ परिकारको पनि स्वाद चाख्न पाइन्छ । गार्डेनमा बसेर हरियालीको अवलोकन गर्ने हो की भित्र बसेर भलाकुसारी गर्ने हो रोजाई तपाँइमा भर पर्छ ।

सम्पदा गार्डेनका सञ्चालक कुमार अधिकारी यहाँ आउने ग्राहकले खल्लो महसुश गर्न नपर्ने बताउँछन् । आफ्नो ब्यस्त समयका बाबजुद थकान महसुश गरेर आएका धेरै ग्राहकहरु यहाँबाट भरपुर सन्तुष्टि लिएर फर्किने गरेको उनको भनाई छ ।

पासाङ शेर्पा, अशोक केसी, धनबहादुर गरुङ र चोलेन्द्र कार्की युवा पर्यटन व्यवसायीहरुले सञ्चालन गरेको यो गार्डेन बिदेशीहरुको पनि रोजाईमा परेको छ । त्यसो त सम्पदा गार्डेन होटलमा बस्न स्वदेशी तथा बिदेशी पाहुँनाको लागि गुणस्तरीय सुविधा पनि छ । शान्त वातावरण भएकाले यहाँ बस्न आउन रुचाउनेको संख्या पनि बढ्दै गएको सञ्चालक पासाङ शेर्पा बताउँछन् ।

यस गार्डेनमा कुनै पनि संस्था वा बिभिन्न कार्यक्रम गर्न उचित प्रबन्ध सहितको हलको पनि व्यवस्था छ । त्यसैले तपाई पनि एक पटक भए पनि परिवारसहित पुग्न नभुल्नु होला । त्यसपछिको रोजाई भने तपाईकै हुने छ ।

प्रतिकृया दिनुहोस

साताको लोकपृय

श्री पाथिभरा माताको दर्शन गर्दै हेनुस् आज शुक्रबारको राशीफल

Pathivara mai

मेष(चू,चे,चो,ला,लि,लू,ले,लो,अ)लामो धार्मिक तथा शैक्षिक यात्रा गर्दा ध्यान दिनुहोला बाटोमा दुख हुन...