असोज ५ बाट खुल्ने भयो दशैंको टिकट, सडकका खाल्डाखुल्डी पुरिदिन व्यवसायीको माग

असोज ५ बाट खुल्ने भयो दशैंको टिकट, सडकका खाल्डाखुल्डी पुरिदिन व्यवसायीको माग

काठमाडौं । दशैंको मेखमा भाडा बढाउन दवाव दिँदै आएका यातयात व्यवसायीले अन्ततः भाडा समायोजनको जिम्मा सरकारलाई नै दिएका छन् । योसँगै दसैंका लागि असोज ५ गतेदेखि अग्रिम टिकट बुकिङ खुल्ने भएको छ ।

बिहीबार यातायात व्यवस्था विभाग र नेपाल यातायात राष्ट्रिय व्यवसायी महासंघबीच भएको वार्ताको क्रममा व्यवसायीहरुले भाडा समायोजनको जिम्मा सरकारलाई दिँदै ५ गतेबाट अग्रिम टिकट बुकिङ खुला गर्ने निर्णय गरेका छन् ।

‘भाडा समायोजनको विषय सरकारलाई जिम्मा दिएका छौं, हामीले केही पनि उठाएका छैनौं’ नेपाल यातायात राष्ट्रिय व्यवसायी महासंघका महासचिव सरोज सिटौलाले भने, ‘देशभर बिग्रिएका सडक मर्मतलाई जोडदार रूपमा उठाएका छौं, ग्रामीण सडकदेखि राजमार्गका सबै खाल्डाखुल्डी तीव्र रूपमा पुरियोस्, आवागमनलाई बाधा नपुर्‍याई टिकट काटेर भद्रगोल हुन नदिने कुरामा सरकारले ध्यान पुर्‍याओस् ।’

लाखौंको संख्यामा घर फर्किने सर्वसाधारणाको यात्रा सहज बनोस् भनेर सरकारले अग्रिम टिकट बुकिङ खुला गर्दै आएको छ । दसैं, तिहार र छठको अवसरमा काठमाडौंमा बस्ने लाखौं मानिस घर फर्किन्छन् । 

प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...