डा. लोहनीको प्रधानमन्त्रीलाई प्रश्न, के महाभारतको कुरु क्षेत्र झापाको तल्लो फाँटमा छ ?

काठमाडौं । सोमबार प्रधानमन्त्री केपी शर्मा ओलीले भारतले ‘नक्कली अयोध्या’ खडा गरेर साँस्कृतिक तथ्यमाथि अतिक्रमण गरेको बताए । प्रधानमन्त्रीको सो अभिव्यक्तिको निक्कै आलोचना भइरहेको छ । टीकाटिप्पणी पनि भइरहेका छन् ।

प्रधानमन्त्री ओलीको सो भनाईप्रति राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनीले अराजक र अनियन्त्रित अभिव्यक्तिको संज्ञा दिएका छन् ।

डा. लाहनीले सामाजिक सञ्जाल फेसबुकमा लेखेका छन्, ‘सम्माननीय, प्रधानमन्त्रीको भनाइमा अयोध्या नेपालको ठोरिमा पर्दछ । अब महाभारतको कुरु क्षेत्र पनि नेपालको झापाको तल्लो फाटमा छ भन्ने तथ्य प्रधानमन्त्रीले घोषणा गर्ने हो की ?’

‘सम्माननीय प्रधानमन्त्रीको अराजक र अनियन्त्रित अभिव्यक्तिहरुको मनोविज्ञान के हो ?’ उनले प्रशन गरेका छन्, ‘वास्तवमा नेपाल को परराष्ट सम्वन्ध लाइ धुजा, धुजा पारेर नेपाललाई संकटमा धकेल्ने काम किन भइरहेछ ?’