चल्न थाल्यो काठमाडौँ उपत्यकामा सार्वजनिक यातायात

काठमाडौँ ।  आज बाट काठमाडौँ उपत्यकामा  सार्वजनिक यातायात  सेवा सञ्चालन भएको छ । 

कोभिड–१९ को रोकथाम तथा नियन्त्रणका लागि सरकारले गत चैत ११ देखि सार्वजनिक यातायात बन्द गरेकामा गत बुधवार बसेको मन्त्रिपरिषद् बैठकले सार्वजनिक यातायात खुलाउने निर्णय गरेसंगै यातायात व्यवसायीहरु विभिन्न माग राखिरहेको बेला मयूर र संयुक्त यातायात प्रालि लगायतले सेवा सुरु गरेका हुन् ।

केही यातायात व्यवसायीले सरकारसँग विभिन्न माग राखेर सेवा सञ्चालन गर्न नमानिरहेको भएपनि केही सार्वजनिक यातायातहरु भने आजबाट सञ्चालनमा आएका छन् ।

सरकारले बिहीबारदेखि सार्वजनिक यातायात खुलाउन निर्देशन दिएको भएपनि पाँच दिनपछि मात्र सार्वजनिक यातायात सेवा सुरु भएको छ ।