भारतको हस्तक्षेपले तराई डुबेको हो : गृहमन्त्री थापा
काठमाडौँ । गृहमन्त्री रामबहादुर थापा ‘बादल’ ले छिमेकी मुलुक भारतको हस्तक्षेपका कारण तराईमा डुबानको समस्या आउने गरेको दाबी गरेका छन् ।
सोमबार प्रतिनिधिसभाको राज्य व्यवस्था तथा सुशासन समितिको बैठकमा बोल्दै उनले यस्तो बताएका हुन् । भारतले सिमा क्षेत्रमा सडकरुपी बाँध बनाउँद नेपाली भूमि परेको भन्दै भारतले नेपाल विरुद्ध देखाएको गतिविधि रोक्नुपर्ने बताए ।
उनले भने, ‘राजनीतिक रुपमा भन्दा यो भारतले नेपालमा गरेको हस्तक्षेप नै हो । उनीहरुले आफ्नो हित हेरे, तर नेपालको हितलाई ध्यान दिएनन् ।’
भारतले सीमा क्षेत्रमा बनाएको बाँध र संरचना हटाउन पहल गरे पनि सार्थक नभएको मन्त्री थापाले बताए । मन्त्रीसँगको छलफलपछि समितिले नेपाली सीमामा भारतद्वारा निर्मित सडक र बाँध तत्काल हटाउन पहल गर्न सरकारलाई समितिले निर्देशन दिएको छ ।
प्रतिकृया दिनुहोस