नेकपा सचिवालय बैठक आज बस्दै,यस्ता छन् छलफलका विषय

नेकपा सचिवालय बैठक आज बस्दै,यस्ता छन् छलफलका विषय

काठमाडौँ । सत्तारुढ नेपाल कम्युनिष्ट पार्टी (नेकपा) को सचिवालय बैठक आज (बुधबार) बस्दैछ । दिउँसो चार बजे प्रधानमन्त्री निवास बालुवाटारमा बैठक बस्ने तय भएको बताइएको छ । प्रधानमन्त्रीसमेत रहेका अध्यक्ष केपी ओली सिंगापुरमा उपचार गरेर फर्किएपछि पहिलोपटक सचिवालय बैठक बस्न लागेको हो ।

नेकपा स्रोतका अनुसार आजको बैठकमा पार्टी एकताका बाँकी कामसहित विविध विषयमा छलफल हुने छ । ओलीले आफू सिंगापुर जानुअघि बैठकको अध्यक्षता गर्ने अधिकार अर्का अध्यक्ष प्रचण्डलाई दिएका थिए । सोहीअनुसार ९ भदौमा पहिलोपटक प्रचण्डको अध्यक्षतामा सचिवालय बैठक बसेको थियो ।

आजको बैठकमा नेकपामा एकल अध्यक्षको विषयमा पनि छलफल हुनसक्ने स्रोतले जनाएको छ । सत्तारुढ नेकपाका स्थायी समिति सदस्य युवराज ज्ञवालीले नेकपाभित्र एक व्यक्ति, एक पदको व्यवस्था लागू हुनुपर्ने बताउँदै आएका छन् ।

उनले दुई अध्यक्षमध्ये एकले सरकार र अर्काले पार्टी चलाउनुपर्ने जिकिर गरेका छन्। यसले पनि नेकपामा प्रचण्डलाई एकल अध्यक्ष बनाउने विषयले चर्चा पाएको छ । तर, आजको बैठकको अध्यक्षता भने ओली आफैँले गर्ने स्रोतको दाबी छ ।

आजको बैठकमा पार्टी एकतालाई मजबुद बनाउनेसहित समसामयिक राजनीतिक विषयमा पनि छलफल हुने नेताहरुले बताएका छन् । नेकपामा प्रवास कमिटी, जेष्ठ नागरिक मञ्च, लेखा आयोग, अनुशासन आयोग, सल्लाहकार परिषद् र महानगरपालिकाका अध्यक्ष र सचिव टुंग्याउन बाँकी छ ।

प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...