युभेन्टसको नापोलीमाथि ४–३ को कठिन जित

युभेन्टसको नापोलीमाथि ४–३ को कठिन जित

काठमाडौँ । सिरिए फुटबलमा युभेन्टसले नापोलीमाथि कठिन जित दर्ता गरको छ । क्रिष्टियानो रोनाल्डोको युभेन्टसले नापोलीमाथि ४–३ को कठिन जित दर्ता गरेको हो ।

तीन शून्यको अग्रता बनाएको युभेन्टसमाथि नापोलीले लगातार तीन गोल गर्दै खेल बराबरीतर्फ लगेको थियो । तर अन्तिम समयमा युभेन्टसले एक गोल गरेपछि हार जितको नतिजा आएको थियो ।

डेनिलोले १६औं मिनेटमा गोल गर्दै युभेन्टसलाई सुरुवाती अग्रता दिलाएका थिए । १९ औं मिनेटमा गोन्जालो हिगुईनले गोल गर्दै अग्रता दोब्बर बनाए । पहिलो हाफमा २ गोल गरेको युभेन्टसले दोस्रो हाफमा थप २ गोल गर्दा ३ गोल खान पुगेको थियो । ६२ औं मिनेटमा क्रिष्टियानो रोनाल्डोले गोल गर्दै युभेन्टसलाई सानदार जिततर्फ अग्रसर गराएका थिए ।

तर ३ गोलले पछि परेको नापोलीले ६६ औं मिनेटमा कोष्टाको गोलमार्फत खेलमा फर्किएको थियो । पहिलो गोल गरेका २ मिनेट पछि नापोलीका लागि हिरभिङ रोड्रिगोले गोल गर्दै अग्रता ३–२ मा झारेका थिए । जियोभानी लोरिन्जोले गोल गर्दै ८१ औं मिनेटमा खेल ३–३ को बराबरीमा ल्याएका थिए । तर ९२ औं मिनेटमा नापोलीका कलिडोले आत्माघाति गोल गरेपछि युभेन्टसले लिगमा लगातार दोस्रो जित हात पार्न सफल भयो ।

प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...