बंगलादेशमा विवाहको फारमबाट ‘कुमारी’ हटाउन आदेश

ढाका । बंगलादेशका महिलाले अब विवाह दर्ता फारम भर्दा कुमारी (भर्जिन) भनेर लेख्न नपर्ने भएको छ । बंगलादेशको सर्वोच्च अदालतले सो सम्बन्धी फैसला गरेको हो । सर्वोच्च अदालतले ‘भर्जिन’ भन्ने शब्दको स्थानमा अनम्यारिड ९अविवाहित० शब्द राख्न आदेश दिएको  छ । सो सम्बन्धी फैसला गएको आइतबार भए पनि मंगलबार सार्वजनिक गरिएको हो । 

फारमका अन्य दुई विकल्पमा विडो (विधवा) र डिभोर्सड (सम्बन्ध विच्छेद)लाई भने यथावत राखिएको छ । महिला अधिकारकर्मीहरुले ‘भर्जिन’ भन्ने शब्द अपमान गर्ने खालको भएको आरोप लगाउँदै आएका  थिए ।  उनीहरुले आइतबारको फैसलाको स्वागत गरेका छन् । अदालतले अब श्रीमानले पनि आफ्नो वैवाहिक अवस्था खुलाउनुपर्ने आदेश दिएको छ । 

मुश्लीम बहुल बंगलादेशमा विवाह सम्बन्धी कानुनलाई महिला अधिकारकर्मी समूहले प्रतिबन्धात्मक र विभेदकारी भनेर आलोचना गर्दै आएको थियो ।  थुप्रै बालिकाहरुलाई सानो उमेरमा नै मागी विवाह गर्न बाध्य पारिने चलन रहेको छ  । अदालतले बंगाली शब्द कुमारीलाई फारमबाट हटाउन भनेको छ । 

त्यो शब्द अविवाहित व्याख्या गर्न काम लाग्छ । यसको अर्को अर्थ ‘भर्जिन’ भन्ने पनि हो । वकिलहरुको एउटा समूहले सन् २०१४मा यस सम्बन्धी मुद्दा हालेको थियो । उनीहरुले विवाह सम्बन्धी फारम अपमानजनक र महिलाको गोपनीयतामा असर पार्ने खालको भएको जनाएका थिए । आइतबार अदालतले बंगाली शब्द अविवाहितलाई कुमारीको स्थानमा राख्न आग्रह गरेको बीबीसीले बताएको छ ।

छुट्टै आदेशमा अदालतले दुलाहालाई पनि अविवाहित, सम्बद्ध विच्छेद वा विधुर भन्न आग्रह गरेको छ । अदालतको पूर्ण आदेश सार्वजनिक भएपछि केही महिनामा यसको कार्यान्वयन हुने जनाइएको छ ।  “यो एउटा महत्वपूर्ण फैसला हो,” सो मुद्दामा संलग्न आयनुन नाहर सिद्धिकाले भनेकी छन् । उनले यो फैसलाले बंगलादेशमा महिला अधिकारलाई आधुनिकीकरण गर्न महत्वपूर्ण भूमिका खेल्ने जनाइन् । 

स्थानीय विवाह सम्बन्धी रजिस्ट्रार र उनका साथीहरु फारममा हुने परिवर्तनको बारेमा औपचारिक रुपमा जानकारी भइनसकेको बताउँछन् ।

“मैले ढाकामा धेरै विवाह गराएको छु, धेरैले मलाई सोधेका छन्– किन पुरुषले चाहिँ के अवस्था हो भन्नु नपर्ने र महिलालाई मात्रै  सोध्नुपर्ने रु यो मेरो हातमा छैन भन्ने गर्थेँ”, रजिस्ट्रार मोहम्मद अलि अक्बरले रोयटर्ससँग भने, “मेरो अनुमान छ अब त्यस्तो प्रश्न सोध्नुपर्ने अवस्था आउँदैन ।”

प्रतिकृया दिनुहोस

साताको लोकपृय

बालकक्षा शिक्षकको तलब अब दोब्बर, पुग्ला त श्रम ऐन बमोजिम ?

Play group

काठमाडौँ । सामुदायिक विद्यालयका प्रारम्भिक बालकक्षामा पढाउने शिक्षकको तलब दोब्बर हुने भएको छ । उ...