काठमाडौंबाट बाहिरिन जिल्ला प्रशासनले ल्यायो यस्तो नयाँ व्यवस्था, के छ नयाँ व्यवस्थामा ?

काठमाडौं । के तपाई काठमाडौं छाडेर अन्य जिल्ला जाँदै हुनुहुन्छ ? काठमाडौं छाड्न पास नपाएर कतै हैरानी त बेहोर्नु त परेको छैन नि ? छ भने जिल्ला प्रशासन कार्यालयले काठमाडौंबाट बाहिरिनका लागि नयाँ व्यवस्थाका लागू गरेको छ ।

जिल्ला प्रशासन कार्यालयले उपत्यका बाहिर जान काठमाडौंबाट बाहिरिन सवारी पास लिन निवेदकले नयाँ ढाँचा अनुसारको निवेदन दिनुपर्ने व्यवस्था गरेको छ ।

सवारी पासका लागि दिने निवेदनको ढाँचामा यात्रुले आफ्नो नाम, उमेर, स्थायी ठेगाना, सम्पर्क नम्बर, जाने ठाउँ, जाने मिति, सवारी धनीको नाम, चालकको नाम लगायतका विवरण उल्लेख गर्नुपर्ने हुन्छ ।

निवदेनसँग निवेदकले स्थानीय तहको सिफारिस वा यात्रा प्रयोजनका लागि खुल्ने कागजातको फोटोकपी पनि सामेल गर्नुपर्ने हुन्छ । त्यसपछि मात्र कार्यालयले उपत्यका बाहिर जाने सवारी पास जारी गर्ने जनाएको छ ।