अर्काे सफलता : कोरोनाविरुद्धको भ्याक्सिनको सफल परीक्षण, मंगलबार औपचारिक रुपमा सुरु हुने

Coronavirus vaccine 14

एजेन्सी । चिनियाँ वैज्ञानिकहरुले बनाएको कोरोनाविरुद्धको भ्याक्सिन मंगलबार संयुक्त अरब इमिरेट्स युएइमा तेस्रो चरणको क्लिनिकल परीक्षण हुँदैछ ।

यो तेस्रो चरणमा प्रवेश गर्ने संसारकै पहिलो कोरोनाविरुद्धको भ्याक्सिन हो । चीनले परीक्षण गर्न थालेको यो पहिलो विदेशी परीक्षण पनि हो । यो भ्याक्सिनमा नै अहिले संसारको ध्यान केन्द्रित भएको छ ।

चाइना नेसनल फार्मास्युटिकल ग्रुप सिनोफर्मले बिकास गरेको यो भ्याक्सिनको तेस्रो चरणको क्लिनिकल ट्रायलको मंगलबार बेइजिङ, वुहान र युएईको अबुधावीमा अनलाइनमार्फत उद्घाटन गरियो । परीक्षण भने आउँदो मंगलबार औपचारिक रुपमा सुरु हुने ग्लोबल टाइम्सले जनाएको छ ।

युएईका स्वास्थ्यमन्त्री अब्दुल रहमान मोहम्मद अल ओबेइसले क्लिनिकल परीक्षणका लागि अनुमतिपत्र जारी गरिएको बताएका छन् । सिनोफर्मले मंगलबार जारी गरेको विज्ञप्तिमा पनि क्लिनिकल परीक्षणको तयारी अन्तिम चरणमा पुगेको जनाएको छ । सिनोफर्मले भ्याक्सिन पूर्णरुपमा सफल भएको र औपचारिकताका लागि मात्रै तेस्रो चरणको क्लिनिकल ट्रायल गरिएको दावी गरेको छ । 

युएईका लागि चिनियाँ राजदूत नी जियाङले उद्घाटन समारोहलाई भर्चुअल सम्बोधनका क्रममा युएईमा भ्याक्सिन परीक्षण मात्र नभएर चीन-युएईबीच रणनीतिक साझेदारी हुने बताए । चीनले तयार गरेको भ्याक्सिनको साझेदार युएई पनि हुने भएको छ ।

भ्याक्सिनका लागि अबुधावी ग्रुप ४२ ले पनि क्लिनिकल परीक्षणको समयमा सिनोफर्मसँग मिलेर काम गर्नेछ । सिनोफर्ममा आवद्ध वुहान इन्स्टिच्युट अफ बायोलोजिक प्रोडक्टले पहिलो र दोस्रो क्लिनिकल परीक्षणमा कुनै पनि नराम्रो असर नदेखिएको जनाएको छ । अहिलेसम्म यो भ्याक्सिन विभिन्न देशमा तयार गर्न थालिएका भ्याक्सिनमा सबैभन्दा सफल भ्याक्सिन बनेको छ ।

सिनोफर्मले भ्याक्सिनको प्रयोग १ सय ८० स्वयंमसेवकमा गरिसकेको छ । सिनोफर्ममा कार्यरत १ हजार भन्दा बढीले पनि स्वइच्छाले यो खोप प्रयोग गरिसकेका छन् । लगाएका व्यक्तिमा यो खोप पूर्ण सुरक्षित तथा प्रभावकारी देखिएको ग्लोबल टाइम्सले जनाएको छ । अहिलेसम्म विकास भएका र परीक्षणमा रहेका खोपमा चीनमा बनाइएको यो भ्याक्सिन सफल भएको सिनोफर्मले विज्ञप्ति निकालेर जनाएको छ ।

अप्रिल १२ मा खोपलाई चीनको हेनान प्रान्तमा पहिलो र दोस्रो चरणको क्लिनिकल परीक्षणका लागि अनुमति प्राप्त भएको थियो । त्यसैअनुसार कम्पनीले पहिलो र दोस्रो क्लिनिकल चरण सफलतापूर्वक सम्पन्न गरेको छ । सिनोफर्मले आपतकालीन अवस्थामा अब यो खोप लगाउन सकिने पनि जनाएको छ ।

खोपको उत्पादनका लागि सिनोफर्मले उच्चस्तरको बायोसेफ्टी प्रयोगशाला पनि निर्माण गरिसकेको छ । सिनोफर्ममा आवद्ध बेइजिङ इन्स्टिच्युटले वर्षमा १२ करोड डोज र वुहानमा रहेको कम्पनीले बार्षिक १० करोड डोज उत्पादन गर्ने क्षमता बनाइसकेका छन् ।

प्रतिकृया दिनुहोस

साताको लोकपृय

आज असार २० गते शनिबार, शनिदेवको पुजा गर्दै आजको राशीफल हेर्दा यस्तो हुन्छ फाइदा

Rashi sabibar shanidev

मेष (चु, चे, चो, ला, लि, लु, ले, लो, अ) मन पर्ने वस्त्र, अलङ्कार आदि उपहार पाइने योग छ । स्वादिष्...