समाजसेवी शेर्पाले दिए दृष्टिविहीन र बालबालिकालाई सहयोग
काठमाडौं । संखुवासभा निवासी आङदावा शेर्पाले काठमाडौंको कपनमा रहेको केयर बालगृहमा रहेका अनाथ र असहाय बालिकाहरुलाई खाद्यन्न सहयोग गरेका छन् ।
लकडाउनका कारण त्यहाँ अध्ययनरत बालिकाहरुलाई खाद्यान्न समस्या भएपछि शेर्पाले सबै बालिकाहरूका लागि खाद्यान्न सहयोग गरेका हुन् ।
शेर्पाले बालिकाहरुका लागि चामल, दाल, नुन, तेल, कापी, कलम र आबश्यक सामाग्री खरिद गरी दिएका छन् । त्यसैगरी उनले नगद १७ हजार रूपैयाँ गरी २८ हजार रूपैया बराबरको सहयोग गरे । उक्त बालगृहमा छात्रा मात्र अध्ययनरत छन् ।
अमेरिकामा बस्दै आएका युवा समाजसेवी शेर्पा केही समयका लागि मात्रै काठमाडौं आएका थिए । नेपाल आएका बेला उनले बालबालिका लगायतको क्षेत्रमा सहयोग गर्दै आएका छन् । उनले आगामी दिनमा समेत अप्ठ्यारो परेकाहरुलाई मनबाट सहयोग गर्नै प्रतिबद्धता व्यक्त गरेका छन् ।
आङदावा शेर्पाले शारीरिक रुपले असक्त दुई वटै आँखा र दुई वटै हात गुमाएका अम्बर राईलाई पनि तत्कालको लागि १० हजार रुपैयाँ सहयोग गरेका छन् । त्यसैगरी दुई वटै आखा नदेख्ने दृष्टिविहीन रेनुका राईलाई समेत तत्काल १० हजार रुपैयाँ सहयोग गरेका छन् । युवा समाजसेवी शेर्पाले यसअसघ पनि बिभिन्न बालगृहलाई सहयोग गरेका थिए ।
लामो समयसम्म अमेरिकामा बसेर नेपाल आएका शेर्पाले बालवालिकाको क्षेत्रमा काम गर्दै आएका छन् । उनले बालवालिकालाई समेत पढाउदै आएका छन् । संखुवासभाको मकालु गाउँपालिका –२ टासीगाउँका शेर्पाले आफुले बिगतमा भोगेको समस्या अरु बालबालिकाले भोग्न नपरोस् भन्ने उद्देश्य राखेको बताउँछन्
प्रतिकृया दिनुहोस