विदेश उडान गर्न श्री एयरलाइन्सले पायो अनुमति

विदेश उडान गर्न श्री एयरलाइन्सले पायो अनुमति

काठमाडौँ । विदेश उडान गर्ने नेपाली एयरलाइन्स थपिएको छ । सन् २०१७ देखि आन्तरिक उडान गरिरहेको श्री एयरलाइन्सले नियमित उडान गर्ने लाइसेन्स पाएसँगै नेपालबाट विदेश उडान गर्ने नेपाली एयरलाइन्सको संख्या ४ पुगेको छ । नेपाल एयरलाइन्स, हिमालय एयरलाइन्सले अन्तर्राष्ट्रिय सेक्टरमा सन्तोषजनक व्यापार गर्न नसकिरहेको समयमा श्री एयरलाइन्सको इन्ट्री भएको हो । हाल हिमालय, नेपाल एयरलाइन्स र बुद्ध एयरले अन्तर्राष्ट्रिय उडान गरिरहेका छन् ।

२ दशकदेखि हेलिकप्टर व्यवसायको अनुभव भएको श्रीसँग हेलिकप्टरको अन्तर्राष्ट्रिय उडानको लाइसेन्स थियो । उक्त लाइसेन्सकै आधारमा फिक्स्ड विङको लाइसेन्स माग गर्दै श्रीले संस्कृति पर्यटन तथा नागरिक उड्डयन मन्त्रालयमा आवेदन दिएको थियो ।

मन्त्रालयले शुरुमा चार्टर्ड उडानको लाइसेन्समात्र दिएको थियो। यद्यपी योगेश भट्टराई संस्कृति पर्यटन तथा नागरिक उड्डयन मन्त्री भएर आउनेवित्तिकै श्रीले नियमित व्यावसायिक उडानको अनुमति पाएको हो । श्रीले भारतका चार सहर र ब‌ंगलादेशको ढाँकामा उडान गर्न अनुमति माग गरेको थियो । एयरलाइन्सका प्रवक्ता अनिल मानन्धकारका अनुसार श्रीले भारतका अहमदाबाद, नयाँ दिल्ली, कलकत्ता बैंगलोरमा उडान गर्ने अनुमति पाएको हो ।

यसका लागि श्रीले लाइसेन्स बापत ५० लाख रुपैयाँ सरकारलाई बुझाएको छ । त्यस्तै प्रति सेक्टर ५ लाखका दरले २० लाख रुपैयाँ पनि बुझाएको छ । तीवटा जहाजबाट उडान गर्ने योजना बनाएको एयरलाइन्सले ५० करोडमाथिको चुक्ता पुँजी बनाउनुपर्ने छ ।एयरलाइन्सले क्यानेडियन जहाज निर्माता बम्मार्डियरका सिआरजे २०० र सिआरजे ७०० जहाजबाट अन्तर्राष्ट्रिय उडान गर्ने योजना बनाएको छ ।

प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...