बासी भात खान नपाउँदा १३ वर्षीय बालिकाले गरिन् आत्महत्या

धनकुटा । धनकुटाको पाख्रिवास नगरपालिकाको वडा नं. ८ की १३ वर्षीय बालिकाले आत्महत्या गरेकी छन् ।

साविकको मुगास्थित अग्राखेका तेजबहादुर भट्टराईकी १३ वर्षीय नेत्रकुमारी भट्टराईले गएराती आफ्नै घरबाट करिव ५ मिनेट नजिक रहेको सालको रुखमा झुण्डिएर आत्महत्या गरेकी हुन् ।

उनी बुधबार साँझ वेपत्ता भएकी थिइन् । उनको खोजी गर्दै जाँदा बिहीबार भुण्डिएको अवस्थामा भेटिएको थियो । उनी श्री राम उच्च माविमा कक्षा ९ मा पढ्दै थिइन् ।

अघिल्लो वर्ष पनि उनले विष सेवन गरेकी थिइन् । बुधबार भने बासी खात किन नराखिएको भनेर रिसाएकी थिइन् । सोही विषयमा उनले आत्महत्या गरेको हुनसक्ने स्थानीयले बताएका छन् ।