राजपाको बैठकमा महाधिवेशनको एजेन्डामा छलफल

राजपाको बैठकमा महाधिवेशनको एजेन्डामा छलफल

काठमाडौं । राष्ट्रिय जनता पार्टी (राजपा) को बैठकमा महाधिवेशनको एजेन्डाले प्रवेश पाएको छ । राजपाको बुधबार मंगलबार बसेको बैठकमा महाधिवेशनको विषयमा छलफल भएको राजपाका अध्यक्ष मण्डलका सदस्य अनिल झाले जानकारी दिए ।

उनले भने, आधा घण्टा बसेको आजको बैठकमा महाधिवेशनको एजेन्डाले प्रवेश पाएको छ । भोलि फेरि संसद बैठकपछि पुनःबैठक बस्नेछ । एकता प्रक्रिया अगाडि नबढेपछि राजपाले महाधिवेशनको एजेन्डालाई अघि बढाएको जनाइएको छ । राजपा अध्यक्ष मण्डलका संयोजक राजकिशोर यादवले आफूले महाधिवेशनको मुखमा पार्टी नेतृत्वको जिम्मेवारी पाएकोले महाधिवेशनको वातावरण निर्माण गरेर सफल तुल्याउने मुख्य काम रहेको बताउँदै राजपाको प्राथमिकता प्रष्ट पारे ।

६ वटा पार्टी मिलेर राजपा गठन भएपछि पार्टीको महाधिवेशन भएको छैन । हाल ६ जना नेताहरु चक्रिय अध्यक्ष प्रणालीमार्फत् पार्टी सञ्चालन गरिरहेका छन् । “हाम्रो पार्टी अब महाधिवेशन गर्नतिर केन्द्रित छ । त्यही अनुसार कार्यक्रम ल्याउँदैछ । हामी समयमै महाधिवेशन गर्छौ । सफल हुन्छौं,” अध्यक्ष यादवले भने । राजपाले आगामी कात्तिक २८ देखि ३० गतेसम्म महाधिवेशन गर्ने घोषणा गरिसकेको छ ।

प्रतिकृया दिनुहोस

साताको लोकप्रिय

लोकसेवाले २५ सय कर्मचारीका लागि स्वास्थ्य समूहको विज्ञापन गर्दै

काठमाडौं । सरकारले भदौ अन्तिमसम्म स्वास्थ्य तर्फको लोकसेवा आयोग खुलाउने तयारी शुरु गरेको छ ।  स्व...