आज देशभर मेघगर्जन, चट्याङ र हावाहुरीसहित वर्षा हुने
काठमाडौँ । काठमाडौँ उपत्यकासहित आसपासका क्षेत्रमा शुक्रबार बिहानैदेखि वर्षा भइरहेको छ ।
अहिले देशभर पश्चिमी वायुको आंशिक प्रभाव कायम छ भने नेपालको पुर्वी भू–भाग नजिकै निम्न चापीय रेखा रहेको छ र स्थानीय वायुको पनि प्रभाव कायम रहेको मौसम पूर्वानुमान महाशाखाले जनाएको छ ।
देशको पूर्वी तथा मध्य भूभाग लगायत पश्चिमी पहाडी भूभागहरुमा शुक्रबारको मौसम सामान्य बदली रही बाँकी भूभागमा आंशिक बदली रहने जल तथा मौसम पूर्वानुमान महाशाखाले जनाएको छ ।
पूर्वी र पश्चिमी भूभागका केही स्थानहरु तथा मध्य भूभागका थोरै स्थानहरुमा मेघगर्जन, चट्याङ र हावाहुरी सहित वर्षाको सम्भावना रहेको मौसमविदले बताएका छन् । शुक्रबार राति पनि देशभर सामान्य बदली रहनेछ । देशका थोरै स्थानहरुमा मेघगर्जन, चट्याङ र हावाहुरीसहित वर्षाको सम्भावना रहेको छ ।
प्रतिकृया दिनुहोस