प्रादेशीक अस्पतालको आइसोलेसनमा १ जनाको मृत्यु
कैलाली । सेती प्रादेशीक अस्पतालको आइसोलेसनमा रहेका एकजनाको मृत्यु भएको छ । मंगलबार मात्रै भारतबाट फर्किका कैलालीको गौरीगंगा नगरपालिका –९ का ५५ वर्षीय पुरुषको बिहान ६ बजे सेती प्रादेशीक अस्पतालको आइसोलेसनमा मृत्यु भएको हो ।
अहिले मृतकको शव सेती प्रादेशीक अस्पतालको शवगृहमा राखिएको छ। उनको थ्रोट स्वाब संकलन गरिएको छ । सेती प्रादेशीक अस्पतालले उनलाई यसअघि नै अन्य रोग पनि रहेको जनाएको छ ।
सेती प्रादेशीक अस्पतालको इमरजेन्सीमा मंगलबार गरिएको उनको आरडीटी टेस्ट नेगेटिभ आएको थियो । आरडीटी नेगेटिभ आएपछि उनलाई सेतीको इमरजेन्सी वार्डबाट मंगलबार नै आइसोलेसनमा सारिएको थियो ।
मंगलबार दिउँसो उनलाई, गौरीफन्टा बर्डरभन्दा ५ सय मिटर भित्रबाट बेहोस अवस्थामा उद्धार गरी सेती प्रादेशीक अस्पतालको इमरजेन्सी वार्डमा पुर्याइएको थियो ।
प्रतिकृया दिनुहोस