चन्द्रमा नदेखिँदा ईदको सार्वजनिक विदा पनि सोमबारलाई सर्यो
काठमाडौं । मुस्लिम समुदायले मनाउने ईद पर्वको सार्वजनिक बिदा सोमबार दिने भएको छ । सरकारले यसअघि आइतबार (आज) सार्वजनिक विदा दिने बताएको थियो । त्यसलाई सच्याउँदै जेठ १२ गते सोमबार दिने भएको हो ।
गृह मन्त्रालयले फेरि अर्को सूचना निकालेर त्यसलाई सच्याइएको जानकारी दिएको छ । अब ईदको सार्वजनिक बिदा सोमबार दिइएको गृह मन्त्रालयको संशोधित सूचनामा उल्लेख छ ।
चन्द्रमाको गतिका आधारमा तय गरिने ईद पर्व रमदान सकिएपछि शुरु हुने शुक्लपक्षमा पहिलोपटक चन्द्रमा देखिएपछि त्यसको भोलिपल्ट मनाउने परम्परा छ । तर शनिबार राती चन्द्रमा नदेखिँदा सार्वजनिक पनि एक दिन पछाडी सारिएको छ ।
नेपाल र दक्षिण एसियाभरबाट २०७७ जेठ १० मा चन्द्रमा नदेखिएकाले ईद पर्व २०७७ जेठ १२ गते मनाउने निर्णय भएको र सोही दिन सार्वजनिक विदा कायम गरिएको गृह मन्त्रालयको सूचनामा उल्लेख छ ।
प्रतिकृया दिनुहोस