शिक्षक लाइसेन्सको परिक्षा अन्योलमा

काठमाडौँ । शिक्षक सेवा आयोगले शिक्षण अनुमतिपत्र (शिक्षक लाइसेन्स)को विज्ञापन भएको झण्डै एक महिना बितिसक्दापनि शिक्षक सेवा आयोगले परीक्षाको मिति तय गर्न सकेको छैन । जसले गर्दा लाइसेन्सको फारम भरेका लाखौं परिक्षार्थी अन्योलमा परेका छन् ।

फारम भर्ने काम लभगभ अन्तिम चरणमा पुगेपनि आयोगले परीक्षाको मिति तय नगर्दा परीक्षा तयारीमा समस्या परेको लाइसेन्स परीक्षाको तयारी गरिरहनुभएकी पाल्पाका संगिता आर्यालले बताउनुभयो । आयोगले गत असार २ गते प्रावि, निमावि र मावि तहको विभिन्न पाँच किसिमको विज्ञापन खुलाएको थियो । आयोगले माध्यमिक तहको विभिन्न् तीन, निमाविको एक र प्राविको एक गरी विभिन्न पाँच किसिमको विज्ञापन गरेको एक महिना बितिसक्दापनि परीक्षाको टुंगो लगाउन नसकेको हो ।

प्रावि र निमाविमा तालिम प्राप्त हुनु पर्ने तर माविको हकमा तालिम प्राप्त सँगै अप्राप्तले पनि लाईसेन्सको परीक्षामा सहभागिता जनाउन सक्ने गरी विज्ञापन खुलाइएको थियो ।

शिक्षक सेवा आयोगले भने कुनै बाह्य समस्याका कारण नभइ आन्तरिक कारणले विज्ञापनको मिति तय नगरिएको स्पष्ट पारेको छ । आयोगका प्रशासकीय प्रमूख डा। तुलसी थपलियाले कुनै समस्याका कारण भन्दा पनि  कतिले दरखास्त दिन्छन् त्यसको आधारमा परीक्षाको तयारी गर्न मिति तय नगरिएको बताउँछन् ।

अहिले प्राथमिक तहको खुला तर्फको नतिजा धमाधम प्रकाशन गर्न आयोग व्यस्त रहेको र सबैले फारम भरिसकेपछि बल्ल परीक्षाको मिति तय गरिने डा। थपलियाले स्पष्ट पारे ।  ुछिटोमा साउनको तेस्रो हप्ताभित्र परीक्षाको मिति तय हुन्छ र परीक्षा भदौं अन्तिम या असोज शुरुमा हुन्छु – थपलियाले भने ।  १ महिनाको ग्याप राखेर परीक्षाको मिति तय गरिने थपलियाले स्पष्ट पारे ।

यस अघि असार २२ गते सम्म फारम भर्ने म्याद तोकिएकामा असार १६ मा सूचना जारी गर्दै एक साताको म्याद थपेर २९ गते सम्म फारम भर्न सकिने बनाइएको थियो । यस्तै, दोब्बर दस्तुर तिरेर साउन ५ गते सम्म फारम भर्न सकिने आयोगले स्पष्ट पारेको छ ।

यस अघि दोब्बर दस्तुर तिरी असार २९ गते सम्म फाराम भर्न पाइने व्यवस्था थियो । साविकको उच्च माध्यमिक तहमा अध्यापन गर्दै आएका शिक्षकहरुले लाइसेन्सको विज्ञापन स्थगन गर्न माग गर्दै ज्ञापन पत्र बुझाएको भोलि पल्टै  आयोगले विज्ञापनको म्याद बढाउने निर्णय गरेको थियो भनेर इपाटीले खबर प्रकाशित गरेको छ । 

प्रतिकृया दिनुहोस

साताको लोकपृय

एकै परिवारका ५ जनाको मृत्यु भएपछि आज सार्वजनिक विदा

Sarbajanik bida

काठमाडौं । त्रियुगा नगरपालिका वडा नम्बर १० वडा कार्यालयले एकै परिवारका ६ जनाको निधन भए पछि वडा का...