के तपाईको आँखामा आनो आएर तनावमा हुनुहुन्छ ? कारण र समाधानको उपाय यस्तो छ

के तपाईको आँखामा आनो आएर तनावमा हुनुहुन्छ ? कारण र समाधानको उपाय यस्तो छ

काठमाडौं । आनो अर्थात् स्टाई आँखामा ब्याक्टेरियाको कारणले हुने संक्रमण हो । परेलामा रहेको तेल ग्रन्थीमा संक्रमण भएर पिप जम्नु आनो निस्कनु हो ।  सामान्यतया, परेलाको बाहिरी र भित्री भागमा आनो निस्कने गर्छ ।

बाहिरी भागमा आउने आनो परेलामा एउटा सानो दानाको आकारमा हुने गर्छ । यो सुन्निएर रातो हुन्छ । भित्री भागमा आनो आएमा बाहिरबाट हेर्दा देखिँदैन, तर परेला सुन्निन्छ । भित्रबाट हेर्दा सानो सेतो पिनप्वाइन्ट जस्तो देखिन्छ । आनो एकपटक हराए पनि पुनः आउने गर्छ । 

यसरी फैलिन्छ: आनो जुनसुकै उमेर समूहका व्यक्तिमा हुन्छ । यो समय–समयमा आउने गर्छ । कसैमा बारम्बार आइरहन्छ । यद्यपि, आनो आँखाको दृष्टिदोष वा अन्य कुनै खराबी होइन । तर, धेरैपटक आउँदा वा संक्रमण बढ्दै गएको खण्डमा आँखामा समस्या हुन सक्छ । 


  • फोहर हातले आँखा माड्दा वा फोहर पानीले मुख धुँदा, संक्रमण भएको व्यक्तिले प्रयोग गरेको रुमाल अरूले प्रयोगमा ल्याएमा तथा संक्रमित ठाउँमा छोएर हात मिलाएमा सर्ने सम्भावना रहन्छ ।  

बढी बालबालिका प्रभावित हुने गर्छन् । तसर्थ, उनीहरूको सरसफाइमा ध्यान दिनुपर्छ । त्यस्तै, आनो बारम्बार निस्किएमा चिकित्सकको सल्लाह लिनुपर्छ । आँखा संवेदनशील अंग हो । सानो संक्रमणका कारण पनि यसमा बढी जोखिम हुने भएकाले कस्मेटिक सामानको प्रयोग गर्दा ध्यान पु-याउनुपर्छ । आँखालाई असर पर्ने गरी मेकअपका सामान प्रगोगमा ल्याउनुहुँदैन ।


धुलो, धुवाँ र फोहरबाट आँखालाई बचाउनुपर्छ । आँखा सधैँ सफा पानीले धुनुपर्छ । आँखा चिलाउँदा मिच्नुहुँदैन । मिचेमा आँखामा संक्रमण हुने सम्भावना बढी रहन्छ । 


सामान्यतया, आनो केही समयमा आफैँ निको भएर जान्छ । बारम्बार आनो निस्किएमा चिकित्सकको सल्लाहमा एन्टिबायोटिक प्रयोग गर्न सकिन्छ । आँखा धेरै दुखेमा दुखाइ कम गर्ने औषधि खान सकिन्छ । तर, जथाभावी औषधिको प्रयोग भने गर्नुहुँदैन ।   

प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...