प्रजातन्त्र खतरामा पर्ने सम्भावना बढ्यो : राप्रपा
काठमाडौं । राष्ट्रिय प्रजातन्त्र पार्टी (राप्रपा) ले सरकारले पार्टी फुटाउन सजिलो बनाउन सोमबार ल्याएको अध्यादेशलाई ‘प्रजातन्त्र खतरामा पार्ने खेल’ को रुपमा लिएको छ ।
सरकारले सोमबार ‘राजनीतिक दल सम्बन्धी’ र ’संवैधानिक परिषद सम्बन्धि’ अध्यादेश ल्याएको थियो । राप्रपाले यसलाई सरकारले संविधानको भावना विपरित भएको बताएको छ । राप्रपाले यो कदमले प्रजातन्त्र खतरामा पर्ने सम्भावना बढेको समेत बताएको छ ।
राप्रपाका तीन अध्यक्ष कमल थापा, पशुपतिशम्सेर राणा र डा. प्रकाचन्द्र लोहनीले संयुक्त विज्ञप्ती जारी गरी अध्यादेश अनुपयुक्त र संविधानको भावना विपरित रहेको ठहर भएको बताएका हुन् । राप्रपाले अप्रयासित रुपमा ल्याइएको अध्यादेश फिर्ता दिन माग पनि गरेको छ ।
प्रतिकृया दिनुहोस