से १ छ १५४९ नम्बरको ट्रकमा मदिराको पेटी पाइएपछि...
बैतडी । अहिले देश लकडाउनमा छ । यो बेला अत्यावश्यक बाहेकका यातयातका साधन चलेका छैनन् । अत्यावश्यक भए पास लिएर मात्र चलाउन पाइनछ । तर, लकडाउनका बेला खाद्यान्न ढुवानी गर्ने भनी सवारी पास लिएको ट्रकले मदिरा ओसारपोसार गरेको पाइएको छ ।
वैशाख ४ गते धनगढीबाट मेलौली खाद्यान्न ढुवानीका लागि पास लिएको से १ छ १५४९ नम्बरको ट्रकमा मदिरा बोकेको पाइएपछि शनिबार नियन्त्रणमा बैतडी प्रहरीले ट्रक नियन्त्रणमा लिएको छ ।
ट्रकबाट विभिन्न ब्राण्डका ४३ पेटी मदिरा बरामद गरिएको उनको भनाइ छ । ट्रक साहु उत्तमसिंह पुजारा र चालक रोशन पन्तलाई पनि प्रहरीले नियन्त्रणमा लिएको छ ।
जिल्ला प्रहरी कार्यालयका प्रमुख प्रहरी नायव उपरीक्षक डिल्लीनारायण पाण्डेयले भने, ‘खाद्यान्न ढुवानीका लागि पास लिएको ट्रकले मदिरा ओसारपसार गरेको पाइएपछि हामीले ट्रक नियन्त्रणमा लिएका हौं ।’
प्रतिकृया दिनुहोस