मस्जिदमा लुकेका १२ जनाको विराटनगरमा उपचार शुरु
विराटनगर । शुक्रबार मात्रै कोरोना संक्रमणको पुष्टि १२ जना भारतीय नागरिकको विराटनगरस्थित प्रादेशिक अस्पतालमा उपचार थालिएको छ ।
१२ जना भारतीय नागरिक उदयपुरको त्रियुगा–३ भुल्केस्थित मस्जिदमा लुकेर बसेका थिए । उनहिरु लुकेर बसेको सुचनाके आधारमा खोजी गरिएको थियो । उनीहरुको कोरोना भाइरसको संक्रमण पुष्टि भएसँगै विराटनगरस्थित प्रादेशिक अस्पतालमा उपचार थालिएको हो ।
सो अस्पतालमा आइसोलेसनमा राखेर उनीहरूको उपचार सुरु गरिएको र उनीहरुको स्वास्थ्यमा कुनै खरावी नरहेको प्रदेश १ सरकारका प्रवक्ता आन्तरिक मामिला तथा कानुनमन्त्री हिक्मतकुमार कार्कीले जानकारी दिएका छन् ।
मन्त्री कार्कीले ट्वीटमा भनेका छन्, ‘हिजो १२ जना कोभिड–१९ पोजिटिभ भेटिएका व्यक्तिलाई हिजो उदयपुरबाट विराटनगर ल्याई उपचार सुरु भएकोछ । नेपालमा अस्तिसम्म १६ जना, हिजो उदयपुरमा १२ जना, चितवनमा २ जना गरी हिजोसम्मको परीक्षणबाट ३० जना संक्रमित भएको पुष्टि भएको छ । सचेत बनौं, आफू बचौं र अरूलाई नि बाँच्न दिऔं ।’
प्रतिकृया दिनुहोस