हुम्ला जीप दुर्घटनाः तीन दिनसम्म पनि बेपत्ताको पत्ता नलागेपछि पुत्ला बनाई अन्त्येष्टि

हुम्ला जीप दुर्घटनाः तीन दिनसम्म पनि बेपत्ताको पत्ता नलागेपछि पुत्ला बनाई अन्त्येष्टि

हुम्ला । हुम्ला जिल्लाको खार्पुनाथ गाउँपालिका–५ को बेडुबीसुना जिउला र कैल्याबालुको बीचमा पर्ने सडकबाट जिप कर्णाली नदीमा खस्दा ११ जना यात्रु बेपत्ता भएका थिए । बेपत्ता भएको ३ दिनसम्म पनि केही पत्ता नलागेपछि विहीबार आफन्तहरुले पराल र कुशको पुत्ला बनाई नौ जनाको अन्त्येष्टि गरेका छन्।

जिप नदीमा खस्दा बेपत्ता हुनेमा खार्पुनाथ गाउँपालिकाका उपाध्यक्ष सिन्धु हमाल शाही, जिप चालक सिमकोट ८ याङगुका मणि शाही, यात्रुहरु खार्पुनाथ–४ छिप्राका चन्द्र हमाल, खार्पुनाथ–४ नल्नाका नैनसिंह भण्डारी, खार्पुनाथ–५ याङचुका बसन्ती शाही, नन्ददेवी सिंह र गोकुल सुनार, खार्पुनाथ–१ पिउसकी कौरा दमाई र उनका दुई वर्षीय छोरा, काठमाडौ थानकोटका राजु श्रैष्ठ र नाम नखुलेको १ जनासहित ११ जना बेपत्ता भएका थिए ।

बेपत्ता भएकाहरू नभेटिए पनि घटनास्थलभन्दा तीन किलोमिटर तल बोक्चुगौडा नजिकै खार्पुनाथ उपाध्यक्ष सिन्धु हमाल शाहीको झोला र चार किलोमिटर तल कारङ खोलामा जिप चालक मणि शाहीको पाइन्ट, जुत्ता र माक्र्स भेटिएको छ ।

बेपत्ताको खोजीका लागि काठमाडौंको गोताखोर टोली हुम्ला पुगेको छ । गोताखोरले पनि कर्णाली नदीमा केही भेट्न सकेको छैन । खार्पुनाथ गाउँपालिकाका उपाध्यक्ष सिन्धु हमाल शाही, चालक मणि शाही, बसन्ती शाही, नन्ददेवी सिंह र गोकुल सुनारको खार्पु त्रिबेणीमा अन्त्येष्टि गरिएको छ ।

त्यस्तै कौरा दमाई र उनका दुई वर्षीय छोराकोे कचेगौडामा र चन्द्र हमाल र नैनसिंह भण्डारीको छिप्राको दुवाडीचौरमा अन्त्येष्टि गरिएको खार्पुनाथ गाउपालिकाका अध्यक्ष कर्णबहादुर रावलले जानकारी दिए । 

खार्पुनाथ गाउँपालिकाको बुधबारको आकस्मिक बैठकले १३ दिनसम्म कुनै पनि औपचारिक कार्यक्रम नगर्ने, असार १६ गते शोकसभासहित सार्वजनिक बिदा दिने निर्णय गरेको छ ।

प्रतिकृया दिनुहोस

साताको लोकप्रिय

लोकसेवा आयोगको अत्यन्त जरुरी सुचना

काठमाडौँ । लोक सेवा आयोगले सुचना जारी गर्दै लिखित परिक्षाको प्रश्नपत्र सामाजिक सञ्जालमा पोस्ट गरे...