इटहरी उपमहानगरपालिकामा गल्ती गर्ने मेयर, माफी माग्ने उपमेयर
इटहरी । इटहरी उपमहानगरपालिकाका मेयर द्वारिकलाल चौधरीले पत्रकारलाई दुर्व्यवहार गरेको घटना चचाृको विषय बन्यो । किनकी चौधरीले उपमहानगरपालिकाका कर्मचारीलाई कुटेको विषयमा प्रतिक्रिया लिन गएका पत्रकारलाई लोपारेका थिए ।
त्यति मात्रै होइन, त्यसको भोलिपल्ट मेयर चौधरीले ‘अब लोपार्ने मात्रै होइन, लातले हान्छु’ भनेर धम्क्याएका थिए । त्यसको चौतर्फी आलोचना भएपछि उपमहानगरपालिकाले माफी नै मागेको छ । कर्मचारीलाई कुटपिट गरेको र अपशब्द बोलेको विषयमा प्रश्न सोध्दा उनी आक्रोशित हुँदै पत्रकारमाथि दुर्व्यवहार गरेका थिए ।
उपमहानगरपालिकाकी उपप्रमुख लक्ष्मी गौतमले विज्ञप्ति जारी गरी सो घटना परिस्थितिजन्य भन्दै घटनाका कारण सञ्चार जगत र पत्रकारको आत्मसम्मानमा कुनै चोट पुगेको भए क्षमायाचना गर्ने उल्लेख गरेकी छन् ।
कार्यबाहक नगरप्रमुखको हैसियतमा गौतमले जारी गरेको विज्ञप्तिमा भनिएको छ ‘राज्यको चौथो अंगका रुपमा स्थापित सञ्चार जगतप्रति इटहरी उपमहानगरको कुनै पूर्वाग्रह छैन, उपमहानगर प्रेस स्वतन्त्रताप्रति पूर्ण प्रतिवद्ध छ । आगामी दिनमा सञ्चार जगत र उपमहानगरको सम्बन्ध अझ प्रगाढ बन्दै जाने अपेक्षा लिएको छु ।’
प्रतिकृया दिनुहोस