कक्षा ११ को मौका परिक्षा दिन गएकी युवती कोठामा मृत अवस्थामा फेला
बैतडी । बैतडी कक्षा ११ को मौका परिक्षा दिन गएकी युवती कोठामा मृत अवस्थामा फेला परेकी छन् । बैतडीमा मेलौली नगरपालिका-७, बनालीमा १८ वर्षीय किशोरीको शव फेला परेको हो ।
मणिलेक माध्यमिक विद्यालय मेलौलीमा कक्षा १२ अध्ययनरत छात्रा सावित्री चन्दको शव कोठामा झुन्डिएको अवस्थामा फेला परेको जिल्ला प्रहरी कार्यालय बैतडीका प्रमुख नेत्रमणि गिरीले बताए ।
घटनास्थल खानतलासीका क्रममा युवतीको कोठामा प्रशान्त क्षेत्रीको पर्स भेटिएपछि सो आधारमा शंकास्पद देखिएपछि ती युवकलाई पक्राउ गरी थप अनुसन्धान भइरहेको प्रहरीले जनाएकोे छ ।
कक्षा ११ को मौका परिक्षा दिन आएकी सावित्री मृत भेटिएपछि अनुसन्धानमा उनको कोठामा प्रहरीले खानतलासी गर्दा प्रशान्तको पर्स र नागरिकता लगायतका अन्य कागजपत्रहरु फेला परेपछि उनलाई अनुसन्धानका लागि प्रहरीले नियन्त्रणमा लिएको हो ।
प्रतिकृया दिनुहोस