साकेला गाउँपालिका–३ का वडाध्यक्ष राईको निधन
खोटाङ । खोटाङ जिल्लाको साकेला गाउँपालिका वडा नं.३ का वडाध्यक्ष र मणिकुमार राईको निधन भएको छ । निमोनियाका कारण बिरामी परेका वडाध्यक्ष राईको सोमबार साँझ निधन भएको हो । छाती दुख्ने, ज्वरो आउने, घाँटी दुख्ने समस्याबाट बिरामी भएका राईको उपचारका लागि लैजादै गर्दा बाटैमा मृत्यु भएको हो ।
राई तत्कालीन एमालेबाट वडाध्यक्षमा निर्वाचित भएका थिए । राई साकेला गाउँपालिकाको कार्यपालिका सदस्य एबं सामाजिक बिकास समितिका संयोजकको भूमीमाका थिए ।
२०५४ सालमा अनेरास्ववियू सिद्धेश्वरी मावि खिदिमा इकाई कमिटिको अध्यक्ष भएर राजनीतिमा प्रवेश गरेका राई अनेरास्ववियूका जिल्ला सदस्य, तत्कालीन एमालेका गाउँ कमिटी अध्यक्ष हुँदै जिल्ला कमिटी सदस्य भएका थिए । राईका श्रीमती र दुई छोरी छन् ।
प्रतिकृया दिनुहोस