बालुवामा गाडिएको अवस्थामा महिलाको शव फेला
मलंगवा । कविलासी नगरपालिका-७ गैरबजार भन्दा पूर्वमा रहेको झिम खोलामा गाडेको अवस्थामा महिलाको शव फेला परेको छ ।
खोलामा निर्माणधीन अवस्थामा रहेको पुल नजिकै बालुवामा गाडिएको अवस्थामा महिलाको शव बरामद भएको जिल्ला प्रहरी कार्यालय सर्लाहीका प्रहरी निरीक्षक कुन्दन देवले जानकारी दिएका छन् ।
अन्दाजी २५/३० वर्षको देखिने महिलाको शव बरामद भएको निरीक्षक देवले बताए । पहिचान हुन सकेको छैन । केही दिन पहिले मात्र शवलाई गाडेको हुन सक्ने प्रहरीले जनाएको छ ।
अत्याधिक गन्हाउन थालेपछि स्थानीयले सशस्त्र प्रहरीलाई खबर गर्दा सशस्त्र प्रहरीले नेपाल प्रहरीलाई खबर गरेपछि घटना बाहिरिएको हो ।
शवलाई निकालेर पोस्टमार्टमका लागि मलंगवा ल्याइएकोे प्रहरीले जनाएको छ ।
प्रतिकृया दिनुहोस