पिकअप र मोटरसाइकल एक-आपसमा ठोक्किँदा एक जनाको मृत्यु
दाङ । दाङमा पिकअपले मोटरसाइकललाई ठक्करदिँदा मोटरसाइकल चालकको मृत्यु भएको छ ।
तुलसीपुरबाट पश्चिमतर्फ जाँदै गरेको रा १ च ३४६ नम्बरको पिकअपले विपरीत दिशाबाट आउँदै गरेको बा ९७ प ८५६२ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको छ ।
दुर्घटनामा परी दंगिशरण गाउँपालिका-६ थापागाउँ निवासी १८ वर्षीय गोरख चौधरीको मृत्यु भएको प्रहरीले जानकारी दिएको छ ।
चौधरीलाई राप्ती प्रादेशिक अस्पताल ल्याएलगत्तै चिकित्सकले मृत घोषणा गरेका थिए ।
दुर्घटना शनिबार बिहान पौने ७ बजेतिर भएको थियो ।
स्थानीय कमल वलीका अनुसार चौधरीलाई ठक्कर दिएलगत्तै पिकअपका चालकले गाडी भगाउँदै कुमलगडीसम्म र्पुयाएका थिए ।
तर त्यही क्रममा गाडी त्यहाँ फसेपछि चालक गाडी छोडेर भागेको हुँदा इलाका प्रहरी कार्यालय तुलसीपुरबाट गएको प्रहरीले गाडी निकालेर ल्याउने प्रयास गरिरहेको छ ।
प्रतिकृया दिनुहोस