बैतडीमा ट्याक्टरबाट खसेर महिलाको मृत्यु
बैतडी । बैतडीको सुर्नया गाउँपालिका–३ धरमघर नजिकै ट्याक्टरबाट खसेर बुधबार एक महिलाको ज्यान गएको छ ।
महाकाली राजमार्ग अन्तर्गत धरमघर मेलाबाट घर फर्किने क्रममा ट्याक्टरबाट खसेर ठूलाखोला भन्ने स्थानमा सुर्नया-३ की ४५ वर्षीया सीतादेवी ऐरीको मृत्यु भएको जिल्ला प्रहरी कार्यालय बैतडीले जनाएको छ ।
से १ त ७६४९ नम्बरको ट्याक्टरको ट्रालीबाट ऐरी एक्कासी हाम फाल्दा गम्भीर घाइते भएकी उनलाई जिल्ला अस्पताल लैजाँदै गर्दा बाटोमा मृत्यु भएको प्रहरीले जनाएको छ ।
ट्याक्टर चालक दीपक डगौंरा र ट्याक्टरलाई प्रहरीले नियन्त्रणमा लिएर अनुसन्धान गरिरहेको जनाएको छ ।
प्रतिकृया दिनुहोस