१० वर्षीय बालिका बलात्कारको आरोपमा ६८ वर्षीय वृद्ध पक्राउ
प्युठान । १० वर्षीय बालिकालाई बलात्कार गरेको आरोपमा ६८ वर्षका वृद्ध पक्राउ परेका छन् ।
अर्घाखाँचीको भुमिकास्थान –१ साम्नेगाउँकी १० वर्षकी बालिकालाई बलात्कार प्रयास गरेको आरोपमा प्युठानको मल्लरानी गाउँपालिका –२ सिउतेका ६८ वर्षीय डण्डबहादुर बिश्वकर्मालाई प्रहरीले बुधबार पक्राउ गरेको हो ।
बालिका गत पुस महिनादेखि बृद्धबाट बलात्कारको सिकार हुँदै आएकोसमेत खुलेको छ । पीडित बालिका शारीरिक रूपमा कमजोर देखिन थालेपछि उनकी आमाले बालिकालाई शोधपुछ गरेपछि मात्रै सो घटना सार्वजनिक भएको थियो ।
अभियुक्त बिश्वकर्मालाई जिल्ला प्रहरी कार्यालय अर्घाखाँचीले नियन्त्रणमा लिई बुधवार प्युठान प्रहरीलाई बुझाएको छ । चाउचाउ खान पैसा दिँदै फकाइफुल्याइ गरी बलात्कार गरेको पीडितले बताएको प्युठान प्रहरी प्रमुख निर्मल बुढाथोकीले बताए ।
प्रतिकृया दिनुहोस