बद्लियो मौसम, अधिकांश स्थानमा पानी पर्ने सम्भावना
काठमाडौं । केही दिन सुधार भएको मौसम फेरि बदली भएको छ । मौसम बदली हुँदा फेरि चिसो बढेको छ ।
अबको केही दिन देशभरी कै मौसम बदली भई धेरै ठाउँमा पानी पर्ने मौसमविद्ले अनुमान गरेका छन् । पश्चिमी वायुको प्रभावले अहिले पूर्वबाहेक अन्य भूभागको मौसम बदली भएको जल तथा मौसम पूर्वानुमान महाशाखाले जनाएको छ ।
महाशाखाकी मौसमविद् गंगा नगरकोटीका अनुसार अहिले सफा रहेको पूर्वको मौसम पनि दिउँसो पछि बदली हुनेछ । बिहीबार देशका धेरै ठाउँमा मेघगर्जनसहित पानी पर्ने उनको अनुमान छ ।
यस्तै उच्च हिमाली तथा पहाडी भेगमा हिमपातको संभावना रहेको उनले बताए । तीन दिन मौसम एकैछिन खुले पनि फेरि बदली भइरहने मौसमविदहरुले जनाएका छन् ।
प्रतिकृया दिनुहोस