फेवातालमा बेपत्ता युवकको शव फेला
पोखरा । पोखराको फेवातालमा बेपत्ता युवाको शव शनिबार फेला परेको छ ।
मङ्सिर २४ गते सोमबार दिउँसो फोटो खिच्ने क्रममा प्याडल बोर्डबाट फेवातालमा डुबेर बेपत्ता भएका काठमाडौँ ताहाचलका १९ वर्षीय रोजन श्रेष्ठको शव फेला परेको जिल्ला प्रहरी कार्यालय कास्कीले जनाएको छ ।
प्रहरीका अनुसार आज बिहान तालमा तैरिएको अवस्थामा उनको शव भेटिएको हो । शव परीक्षणका लागि पश्चिमाञ्चल क्षेत्रीय अस्पतालमा लगिएको छ ।
पोखरा घुम्न आएका श्रेष्ठ तालमा बेपत्ता भएपछि तीनवटै सुरक्षा निकायका टोली खोजीमा खटिएका थिए ।
प्रतिकृया दिनुहोस