पन्तको न्याय माग गर्दै बृहत् महेन्द्रनगर प्रदर्शन
महेन्द्रनगर । कञ्चनपुरमा निर्मला पन्तको न्यायको माग गर्दै बृहत् प्रदर्शन गरिएको छ ।
नागरिक संघर्ष समितिले घोषणा गरेको चार दिने कार्यक्रम अन्तरगत बिहीबार महेन्द्रनगरमा वृहत् प्रदर्शन गरिएको हो ।
समितिको निर्धारित कार्यक्रम अनुसार बिहीबार मानव साङ्लो बनाएर विरोध प्रदर्शन गरिएको नागरिक संघर्ष समितिका संयोजक मिना भण्डारीले बताइन् ।
उनले निर्मलाको न्यायका लागि आफूहरुले सुरुआतदेखि नै आन्दोलन गर्दै आएको बताउँदै सरकारले दोषीलाई जोगाउन निर्दोष व्यक्तिलाई फसाउन नपाउने बताए ।
पछिल्लो समय संघर्ष समितिले घोषणा गरेको चार दिने आन्दोलन सरकारलाई दबाबमूलक भएको बताउँदै आन्दोलनका आउँदा कार्यक्रम छलफलपछि निर्धारण हुने उनले बताए ।
चोक चोकबाट सुरु गरिएको मानव साङ्लोसहितको प्रदर्शन पछि गएर र्यालीमा परिणत भएको थियो । प्रदर्शनमा विभिन्न विद्यालय तथा क्याम्पसका शिक्षक विद्यार्थी, अधिकारकर्मी लगायत सर्वसाधारणको उपस्थिति थियो ।
प्रतिकृया दिनुहोस