फरार आरोपी एयरपोर्टबाट पक्राउ
काठमाडौं । कर्तव्य ज्यान मुद्दाका फरार आरोपी पासाङ नोर्बु शेर्पा पक्राउ परेको छ ।
सिन्धुपाल्चोक भोटेकोशी-५ का पासाङ नोर्बु भागेर दिल्ली जाँदै गर्दा त्रिभुवन अन्तराष्ट्रिय विमानस्थलबाट महानगरीय प्रहरी वृत्त बौद्धले सोमबार पक्राउ गरेको छ ।
पासाङले २०७४ माघ १५ गते बौद्धमा आफ्नै साथी म्याङ राप्गेल शेर्पालाई धारिलो हतियार प्रहार गरेर फरार भएका थिए ।
पासाङ गाई गोरुको मासु चीन तस्कर गर्ने कार्यमा पनि संलग्न रहेको बताइएको छ । महानगरीय प्रहरी परिसर काठमाडौंका डिएसपी होविन्द्र बोगटीले घटना सम्बन्धमा थप अनुसन्धान भइरहेको बताएका छन् ।
प्रतिकृया दिनुहोस