धनगढीको व्यापारिक भवनमा लाग्यो आगो
धनगढी । सुदूरपश्चिममै व्यस्त सहर धनगढीको व्यापारिक भवनमा भीषण आगलागी भएको छ ।
धनगढी बजारको गणेश लक्ष्मी इन्टरप्राईज रहेको भवनको माथिल्लो तलामा सोमबार दिउँसो आगो लागेको हो । आगो धनगढी उपमहानगरपालिकोको दुई वटा दमकलका साथ स्थानीय ब्यापारी र सुरक्षाकर्मीले निभाएका थिए ।
आगलागीबाट जुत्ता चप्पललगायतका भन्डारण गरिएका सामान जलेका छन् । भवनको तल्लो तलामा व्यापारी प्रेम गौतमले जुत्ता चप्पलका होलसेल पसल सञ्चालन गरेका छन् ।
भवनको माथिल्लो तलामा विद्युत् लाइन सर्ट भएको आशंका गरिएको छ । आगो लाग्नुको कारण भने खुलेको छैन । सो आगलागीबाट भूइँतालाका सटर पसलका सामानमा पनि आशिंक क्षति पुगेको जिल्ला प्रहरी कार्यालयले जनाएको छ ।
प्रतिकृया दिनुहोस