आमाबुवाको सम्झनामा अक्षय कोष स्थापना
पर्वत । पर्वतको पैयु गाउँपालिका –६ का डम्बरनारायण तिवारीले आफ्ना आमाबाबुको सम्झनामा अक्षय कोषको स्थापना गरेका छन् ।
क्यानडामा बस्दै आएका तिवारीले पैयुकोटको संरक्षण गर्ने उदेश्यले ७५ हजार रुपैयाँ राशी रहेको टिकाराम–नर्मता पैयुकोट पुजा अक्षय कोष खडा गरेका हुन् ।
पेशाले इन्जिनियर रहेका तिवारीले आफ्ना आमाबाबु टिकाराम र नर्मताको सम्झनामा सो अक्षय कोष खडा गरेका हुन् ।
उनाका दाजुहरु कृष्णप्रसाद, खगेन्द्रप्रसाद र नारायणप्रसाद तिवारीले पैयुकोट पुगेर महाशिला गाउँपालिका –१ का वडाअध्यक्ष इश्वरीप्रसाद भुषाललाई बिहीबार हस्तान्तरण गरे ।
सो अवसरमा टिकाराम र नर्मताका छोरा खगेन्द्रप्रसाद तिवारीले पैयुकोटको संरक्षण र सम्बर्द्धनका लागि नियमित पुजापाठ गरिनुपर्नेमा जोड दिए ।
प्रतिकृया दिनुहोस