क्षमताभन्दा बढी यात्रु बोके ५ हजार जरिवाना
काठमाडौं । सरकार, यातायात व्यवसायी र ट्राफिक व्यवस्था विभागबीच भाडा तय भए पनि यातायात व्यवसायीले बढी मूल्य असुलेको पाइएपछि प्रहरीले चेकजाँच शुरु गरेको छ ।
तय भएको भाडा भन्दा बढी लिइएको पाएपछि आइतबार भएको चेकजाँचमा १२ वटा हायस कारबाहीमा परेका छन् ।
अरनिको राजमार्ग भएर चल्ने यात्रुवाहक सवारी साधनमा तीन दिनदेखि जाँच गरिएको र ५० भन्दा कारबाहीमा परेको ट्राफिक प्रहरीले बताएको छ । टिकटमा बढी पैसा लिइएको पाइए ठाउँको ठाउँमा पैसा फिर्ता गरिएको छ ।
क्षमता भन्दा बढी यात्रु र यात्रुसँग बढी पैसा लिने सवारी साधनलाई पूर्जी काटिएको हो । पूर्जी काटिँदा ५ हजार रुपैयाँ जरिवाना लिइने गरिएको छ ।
प्रतिकृया दिनुहोस