फेसबुक, ट्वीटरजस्ता सामाजिक सञ्जालमा हुने विज्ञापनलाई कर लगाउन निर्देशन

काठमाडौं । फेसबुक, ट्वीटर लगायतका सामाजिक सञ्जालमा हुने विज्ञापनलाई करको दायरामा ल्याउन संसदको विकास समितिले निर्देशन दिएको छ ।

सोमबार बसेको बैठकले समाजिक सञ्जालमा विज्ञापनवापत ठूलो रकम बाहिरिएको भन्दै नियमन गर्न सञ्चार र अर्थमन्त्रालयलाई निर्देशन दिएको हो ।

बैठकले फोरजी कभरेज विस्तार, टेलिकममा सुधार, अब्टिकल फाइवरको सञ्जाल विस्तारमा देखा परेका समस्या लगायतका लागि भइरहेको कामको विवरण १५ दिनभित्र समितिलाई उपलब्ध गराउन सञ्चार मन्त्रालयलाई भनेको छ ।